Apple كومپانياسىنىڭ قىتايداعى دەرەكتەر ورتالىعىنىڭ قۇرىلىسى بيىل باستالادى. ورتالىق جۇمىسىن 2020 جىلى باستاۋدى جوسپارلاپ وتىر, دەپ حابارلايدى xinhuanet.com.
دەرەكتەر ورتالىعى قىتايدىڭ وڭتۇستىك-باتىسىنداعى گۋيچجوۋ پروۆينتسياسىنان ورىن تەبەدى. جوباعا 1 ملرد اقش دوللارى مولشەرىندە ينۆەستيتسيا قۇيىلادى. جاڭا گۋيان اۋدانىندا بوي كوتەرەتىن, 67 گەكتارلىق ورتالىق قىتاي اۋماعىندا iCloud قىزمەتتەرىن جەتكىزۋمەن اينالىسادى.
28 اقپاننان باستاپ قىتايداعى iCloud قىزمەتتەرىن جەرگىلىكتى Guizhou-Cloud كومپانياسى اتقارادى. ورتالىق جۇمىس ىستەي باستاعانعا دەيىن كومپانيا iCloud قىزمەتتەرىن ۇسىنۋ ءۇشىن قىتايدىڭ ءۇش ءىرى بايلانىس وپەراتورلارىنان سەرۆەرلەردى جالعا الادى.
گۋيچجوۋ - قىتايداعى تومەن دامىعان ايماقتارىنىڭ ءبىرى. بىراق ول جايلى كليماتتىڭ جانە ينفراقۇرىلىمنىڭ ارقاسىندا ۇلكەن مۇمكىندىكتەرگە جول اشا الادى.