نۇرسۇلتان نازارباەۆ اتىنداعى حالىقارالىق اۋەجايعا ۇشىپ كەلەتىن جانە كەتەتىن 18 رەيس بوگەلىپ جاتىر, 10 رەيس ۋاقىتشا توقتاتىلدى, دەپ حابارلايدى اۋەجايدىڭ اقپارات قىزمەتى.
انىقتاما ءبولىمى بۇل بوگەلىستەردى ۇشاقتاردىڭ كەش كەلۋىمەن ءتۇسىندىردى, ال رەيستەردى توقتاتۋ تۋرالى شەشىمدى اۋە تاسىمالداۋشىلار قابىلداعان.
سونداي-اق, جەزقازعانعا, قوستانايعا, الماتىعا, لوندونعا, شىمكەنتكە, فرانكفۋرتكە ۇشۋى ءتيىس 8 رەيس بوگەلىپ جاتىر جانە پەتروپاۆل مەن الماتىعا ۇشاتىن بەس رەيس توقتاتىلدى.
سونىمەن بىرگە, الماتى اۋەجايى 4 اقپان, ساعات 12-دە اينالانىڭ كورىنبەۋىنەن بىرقاتار رەيستەردىڭ كەشىگىپ جاتقانىن حابارلادى.
"قازىرگى اۋا رايىندا اۋە جولى 600-1000 مەتر, تىگىنەن 40 مەتر عانا كورىنەدى. اۋەجاي جابىلعان جوق جانە حالىقارالىق ازاماتتىق اۆياتسيا ۇيىمىنىڭ ءىىى ساناتى بويىنشا جۇمىس ىستەپ تۇر. ۇشىپ كەلۋ جانە كەتۋ رەيستەرىنىڭ كەشىگۋىنە اۋە كەمەلەرى ەكيپاجىندا سايكەس رۇقساتنامالاردىڭ بولماۋى سەبەپ بولىپ وتىر. ۇشۋ نەمەسە قونۋ تۋرالى شەشىمدى اۋە كەمەسىنىڭ كومانديرى اۋا رايى مەن رۇقساتناماعا سايكەس قابىلدايدى", - دەپ ءتۇسىندىردى ءباسپاسوز قىزمەتى.