پرەزيدەنت نۇرسۇلتان نازارباەۆقا «حالىقتىڭ سۇيىكتىسى» ۇلتتىق سىيلىعىنىڭ ارنايى نوميناتسياسى بەرىلدى, دەپ حابالايدى قازاقپارات.
بۇعان دەيىن «حالىقتىڭ سۇيىكتىسى» ۇلتتىق سىيلىعى كەڭەسىنىڭ «ەۋرازيا قۇرلىعىندا بەيبىتشىلىك پەن ىنتىماقتاستىق يدەياسىن ناسيحاتتاۋعا قوسقان ۇلەسى ءۇشىن» - «مۋدرايا سيلا» - «مۋدرايا سيلا ەۆرازي» اتتى جاڭا حالىقارالىق نوميناتسيا قۇرۋدى ۇيعارعانى حابارلانعان ەدى.
اتالعان نوميناتسياداعى لاۋرەاتتى تاڭداۋ ءۇشىن «حالىقتىڭ سۇيىكتىسى» ۇلتتىق سىيلىعىنىڭ كەڭەسى بەدەلدى حالىقارالىق ۇيىم - ەۋرازيا تەلەۆيدەنيە جانە راديو اكادەمياسىنا جۇگىنگەن جانە جاڭا حالىقارالىق نوميناتسيانىڭ لاۋرەاتىن انىقتاۋدى سۇراعان.
«حالىقارالىق قاۋىمداستىق بۇل سىيلىقتى ءبىرتۋار زامانداسىمىز, بولاشاقتى قۇرۋعا اتسالىسىپ جۇرگەن ادامعا بەردى. ەۋرازياشىلدىقتىڭ ساياسي فيلوسوفياسىن قۇرعان بۇل ادامنىڭ قوسقان ۇلەسى ەرەكشە. ارينە, ەۋرازيا تەلەۆيدەنيە جانە راديو اكادەمياسى پرەزيديۋمىنىڭ بىرلەسكەن شەشىمىمەن قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆقا بەرىلەدى», - دەدى ەۋرازيا تەلەۆيدەنيە جانە راديو اكادەمياسىنىڭ پرەزيدەنتى ۆالەري رۋزين استانادا ءوتىپ جاتقان «حالىقتىڭ سۇيىكتىسى» ۇلتتىق سىيلىعىنىڭ جەڭىمپازدارىن سالتاناتتى ماراپاتتاۋ راسىمىندە.