داۋرەن اباەۆ الماتىدا شەتەلدىك ارىپتەستەرىمەن كەزدەستى

بەلارۋس رەسپۋبليكاسى بايلانىس جانە اقپاراتتاندىرۋ ءمينيسترى سەرگەي پوپكوۆپەن كەزدەسۋ بارىسىندا سالا باسشىدارى ەكى ەدىڭ تسيفرلاندىرۋ باعىتىنداعى ءوزارا ىقپالداستىعىن اڭگىمەگە ارقاۋ ەتتى. سونىمەن قاتار, مينيسترلەر ەلەكتروندىق قىزمەت, پوچتا بايلانىسى مەن يننوۆاتسيالىق تەحنولوگيا پاركىن دامىتۋداعى تاجىريبە الماسۋ تەتىكتەرىن تالقىلادى.   

وزبەكستان رەسپۋبليكاسى اقپاراتتىق تەحنولوگيالاردى دامىتۋ جانە كوممۋنيكاتسيا ءمينيسترى شەرزود شەرماتوۆپەن كەزدەسۋ بارىسىندا داۋرەن اباەۆ ەكونوميكانى تسيفرلاندىرۋ باعىتىن ورتالىق ازيا اۋماعىندا كۇشەيتۋگە ەكى ەلدىڭ الەۋەتى جەتىنىن اتاپ ءوتتى. داۋرەن اباەۆتىڭ ايتۋىنشا, يننوۆاتسيالىق ورتالىقتار مەن جوعارى وقۋ ورىندارىندار, اقپاراتتىق كوممۋنيكاتسيالىق تەحنولوگيالار اراسىنداعى بايلانىستى نىعايتۋ ارقىلى ينۆەستورلار مەن ترانسۇلتتىق كومپانيالاردىڭ قىزىعۋشىلىعىن ارتتىرۋعا جول اشىلادى.      

كەزدەسۋ سوڭىندا «زەردە» (قازاقستان)  ۇلتتىق ينفوكوممۋنيكاتسيالىق حولدينگى مەن «UZINFOCOM» (وزبەكستان) كومپانيالارى اراسىندا ءوزارا تۇسىنىستىك جونىندەگى مەموراندۋمعا قول قويىلدى. 

سونداي-اق داۋرەن اباەۆ حالىقارالىق ەلەكتروبايلانىس وداعى باس حاتشىسىنىڭ ورىنباسارى مالكولم دجونسونمەن كەزدەستى. ەكىجاقتى كەزدەسۋ بارىسىندا وتاندىق جوو عىلىمي پوتەنتسيالىن ارتتىرۋ, ساراپتاما مەن زەرتتەۋلەر سالاسىنداعى ءوزارا ارىپتەستىكتىڭ مۇمكىندىكتەرىن تالقىلادى.  مالكولم ءدجونسون بىزدىڭ ەلىمىزدىڭ ءار باستاماسىن قولدايتىنىن, جان-جاقتى ارىپتەستىك ورناتۋعا ىنتالى ەكەنىن جەتكىزدى.  داۋرەن اباەۆ ارىپتەسىنە جانە حالىقارالىق ەلەكتروبايلانىس وداعىنىڭ كومانداسىنا اۋىلدى جەرلەردەگى ينتەرنەتتى دامىتۋعا باعىتتالعان جوبالارى ءۇشىن العىسىن ايتتى. 

سونىمەن قاتار, ءازىربايجان رەسپۋبليكاسى بايلانىس جانە جوعارى تەحنولوگيا ءمينيسترى ەلمير ۆەليزادەمەن كەلىسسوزدەر جۇرگىزىلدى. كەزدەسۋ بارىسىندا اقپاراتتىق كوممۋنيكاتسيالىق تەحنولوگيالار سالاسىندا ءوزارا ارىپتەستىك جونىندەگى كەلىسىمدەر بەكىتىلدى. 

«جاھاندانۋ ءداۋىرىنىڭ تسيفرلىق كۇن ءتارتىبى» فورۋمى مەملەكەت باسشىسى نۇرسۇلتان نازارباەۆتىڭ باستاماسىمەن ءوتىپ جاتىر.