قازگيدرومەتتىڭ حابارلاۋىنشا, اتموسفەرالىق اعىنداردىڭ وتۋىنە بايلانىستى بۇگىن رەسپۋبليكانىڭ باسىم بولىگىندە قار, جاياۋ بۇرقاسىن بولادى. تەك سولتۇستىك, شىعىس جانە وڭتۇستىك-شىعىس ايماقتاردا جاۋىن-شاشىن بولمايدى. كەي جەرلەردە تۇمان ءتۇسىپ, كوكتايعاق بولادى, جەل كۇشەيەدى.
الماتى وبلىسىنىڭ جالاڭاشكول اۋدانىندا جەلدىڭ جىلدامدىعى 24-29 م/س-قا جەتەدى. جامبىل وبلىسىنىڭ كەي جەرلەرىندە تۇمان ءتۇسىپ, كۇندىز كەي جەرلەردە كوكتايعاق بولادى, جەلدىڭ كۇشى 15-20, ەكپىنى 23 م/س-قا ارتادى. وڭتۇستىك قازاقستان وبلىسىنىڭ كەي جەرلەرىندە تۇمان تۇسەدى, تاڭەرتەڭ جانە كۇندىز جەلدىڭ جىلدامدىعى 15-20 م/س بولادى. قىزىلوردا, ماڭعىستاۋ, اتىراۋ وبلىستارىنىڭ كەي جەرلەرىندە تۇمان, كوكتايعاق ساقتالادى. ماڭعىستاۋ وبلىسىندا تۇندە جەل تۇرادى, جىلدامدىعى 15-20 م/س. اقتوبە, قوستاناي وبلىستارىنىڭ كەي جەرلەرىندە جاياۋ بۇرقاسىن جانە تۇمان بولادى. قاراعاندى, سولتۇستىك قازاقستان وبلىستارىنىڭ كەي جەرلەرىندە تۇمان ءتۇسىپ, قاراعاندى وبلىسىندا كۇندىز جەل 15-20 م/س-قا جەتەدى. شىعىس قازاقستان وبلىسىنىڭ كەي جەرلەرىندە جەل 17-22 م/س, تۇندە جانە تاڭەرتەڭ كەي جەرلەردە تۇمان ءتۇسۋى ىقتيمال.