«وڭتۇستىك-شىعىس» ىقشام اۋدانىنىڭ ۇزىندىعى 19,5 شاقىرىمدى قۇرايتىن 20 كوشەسىنە جىلدىڭ سوڭىنا دەيىن اسفالت توسەلەدى, دەپ ايتتى «الماتى» اۋدانىنىڭ اكىمى ادىلبەك سارسەنباەۆ حالىقپەن ەسەپتىك كەزدەسۋ بارىسىندا.
بۇگىنگى كۇنى قالا شەتىن دامىتۋ استانا دامۋىنىڭ نەگىزگى باسىمدىقتارىنىڭ ءبىرى.
بيىلعى جىلى «الماتى» اۋدانىنا قاراستى جەلەزنودوروجنىي, پرومىشلەننىي, كۇيگەنجار , ميچۋرين كەنتتەرىنىڭ اۋلا اۋماقتارىن اباتتاندىرۋدى جوسپارلانۋدا. اكىمنىڭ ايتۋىنشا, كەنتتەردىڭ اۋلالارىندا قوسىمشا اعاش ەگىلىپ, بالالارعا ارنالعان ويىن الاڭدارى اشىلادى.
سونىمەن قاتار, اۋدان اكىمى جاڭا جولدار سالۋ مەن بار جولداردى قايتا جاڭارتۋ تۋرالى جوسپارىمەن ءبولىستى.
ء«بىرىنشى كەزەتە «وڭتۇستىك-شىعىس» ىقشام اۋدانىندا جاڭا جولدار سالۋ مەن بار جولداردى قايتا جاڭارتۋدى اياقتاۋ كەرەك. وسى ىقشام اۋدانداعى 80 كوشەنىڭ, 40-دا ەشقانداي جابىندى بولماعان. وتكەن جىلى وسى 40 كوشەنىڭ 20-ى جوندەلدى, ۇزىندىعى شامامەن 10 شاقىرىمدى قۇرايدى, تاعى ۇزىندىعى 19,5 شاقىرىمدى قۇرايتىن 20-عا جۋىق كوشەنى رەتكە كەلتىرۋ قالدى. ىقشاۋ اندان تۇرعىندارىنىڭ ءومىر سۇرۋىنە بارىنشا جايلى بولۋ ءۇشىن ءبىز وسى جىلى بارلىق جۇمىستى اياقتاۋدى جوسپارلاۋدامىز», دەپ ايتتى اۋدان اكىمى.
سونىمەن قاتار, تۇرعىنداردىڭ ءوتىنىشى بويىنشا, اۋلا ىشىلىك وتپە جولداردى قايتا جاڭارتۋعا ەرەكشە نازار اۋدارىلاتىن بولادى.