وتباسىندا وزبىرلىق كورگەندەر اقپاراتتىق تەحنولوگيالار كومەگىنە جۇگىنەدى

سونىمەن «زورلىق-زومبى­لىقسىز ءومىر» جوباسى وتبا­سىندا ءزابىر كورىپ جۇرگەندەرگە مەملەكەتتىك ورگانداردىڭ ارا­لاسۋىمەن جانە اقپاراتتىق تەحنولوگيالاردى پايدالانۋ ارقىلى تاۋلىك بويى كومەك بە­رۋدى قاراستىرادى. جانە كەز كەلگەن شاعىم مىندەتتى تۇر­دە قاراستىرىلىپ, قىسىمعا دۋشار بولعان ادامعا ادۆو­كات تاعايىندالادى. وسى ارا­دا وتباسىنداعى وزبىرلىق ايەلدەرگە عانا قاتىستى ەمەس, كامەلەتكە تولماعان بالالار, قارت ادامدار مەن مۇمكىندىگى شەكتەۋلى جاندارعا دا قاتىستى ەكەنىن اتاپ وتكەن ءجون. بۇل باستامانىڭ ءبىر ارتىقشىلىعى – ءوز جاقىندارىنان ءزابىر كورۋشىلەردىڭ قاۋىپسىزدىگى ءۇشىن زاماناۋي تەحنولوگيالاردىڭ جۇيەسىن ەنگىزۋ, جەدەل كومەك قىزمەتىنىڭ وپەراتيۆتى ارەكەتى مەن قورعاۋ امالدارىن قاداعالاۋ بولماق.

دابىل تۇيمەسى ارقىلى ات­قارىلاتىن جوبانىڭ مىندەتتەرى دە ناقتى تارماقتارعا بولىنگەن. بىرىنشىدەن, تسيفرلى قاۋىپسىزدىك جۇيەسىن ەنگىزۋ ءۇشىن ۇيىم مەم­لەكەتتىك ورگاندار, قوعامدىق ۇيىمدارمەن بىرلەسە وتىرىپ, وتباسىنداعى زابىرلەنۋشىلەرگە جەدەل كومەكتەسۋدى جولعا قويادى. جانە ءجابىر كورۋشىلەرگە جەدەل كومەك كورسەتۋدىڭ تەحنيكالىق مۇمكىندىكتەرى قاراستىرىلادى. وعان قوسا وسىنداي جاعدايعا دۋشار بولعاندارعا بارىنشا جىلدام ارەكەت ەتەتىن جەدەل كومەك پەن قورعاۋ امالدارىنا قاۋىپسىزدىك جۇيەسىن ەنگىزۋ باس­ تالدى.

سونداي-اق «وتباسىنداعى وزبىرلىقسىز قازاقستان» جو­باسى اياسىندا باس پروكۋراتۋرا, ىشكى ىستەر مينيسترلىگىنىڭ وتى­رىسىندا قولداعى بارلىق ناتي­جەلەردى ساراپتاپ, تالدايدى. ءارى قاراي كوپشىلىك ونىڭ نا­تيجەلەرىنەن قۇلاعدار بولىپ وتىرادى. ەڭ باستىسى, وتباسىن­داعى وزبىرلىققا قارسى قاۋىپ­سىزدىك جۇيەسىنە ارنالعان زاما­ناۋي تەحنولوگيانى پايدالا­نۋدى ەل زاڭناماسىنا ۇسىنىس رەتىندە ەنگىزۋ كوزدەلىپ وتىر.

بىلتىرعى قازان ايىنان بيىلعى قازان ايىنا دەيىن ۇلاساتىن جوبانىڭ ماڭىزدى­لىعى مىنادا: وتباسىنداعى قاۋىپسىزدىكتى جولعا قويۋ, زاما­ناۋي تەحنولوگيانى پايدالانا وتىرىپ جەدەل كومەك كورسەتۋ قىزمەتىمەن قامتاماسىز ەتۋ. ال تسيفرلى تەحنولوگيالار ارقىلى بۇلتارتپايتىن دالەلدەر مەن دايەكتەر جيناقتاۋ دا قۇقىق قورعاۋ سالاسىنىڭ قىزمەتىن جەڭىلدەتەدى. مەملەكەتتىك ورگان­ دار تاراپىنان مۇنداي باقىلاۋ ورناتۋ ازاماتتارىمىزدىڭ الاڭسىز ءومىر ءسۇرىپ, الىمجەتتىك جاساعان قىلمىسكەرلەردى جازاعا تارتىپ, زورلىق-زومبىلىقتىڭ قايتالانباۋىنا ىقپال ەتەرى انىق. بۇل جوبا جاڭا تەحنولو­گيانى ومىردە پايدالانۋدىڭ العىشارتى بولىپ تابىلادى. ناتيجەلى بولعان جاعدايدا مەملەكەتتىڭ قولداۋى نەگىزىندە جۇيەنى كولەمدى ەتىپ ەنگىزۋ قاراستىرىلعان. ماقساتتى اۋدي­توريا الماتى قالاسىنىڭ سەگىز اۋدانىندا تۇراتىن ءارتۇرلى دارەجەدەگى وتباسىندا قىسىم مەن ءجابىر كورىپ جۇرگەن 400-دەي ايەل بولىپ تۇر.

سونىمەن قاتار پروكۋراتۋرا مەن پوليتسيادان 25 قىزمەتكەر, مەملەكەتتىك جانە قوعامدىق ۇيىمداردان 30 ادام قاتىستىرۋ جوسپاردا بار. ەڭ باستىسى, وتباسىنداعى وزبىرلىققا نە­گىزدەلگەن قاۋىپسىزدىك جۇيەسى مەن جەدەل كومەك قىلمىستىڭ قايتالانۋىن 50 پايىزعا تو­مەندەتەدى دەپ كۇتىلۋدە. جو­بانىڭ ناتيجەسى ەل زاڭنا­ماسىن تولىقتىرۋعا جانە وزگەرتۋ ەنگىزۋگە مۇمكىندىك اشاتىندىعىن قايتالاپ ايتا كەتكەن ءجون. ءوز كەزەگىندە بۇل شارالار باقىلاۋ جۇيە­سىن تۇبىرىمەن وزگەرتىپ, مەم­لەكەتتىك قىزمەتكەرلەردىڭ ارە­ كەت ەتۋىن جۇيەلەيدى. جاڭا جوبا قازاقستاندا بىرەگەي تەح­نولوگيالىق بازانى جاساقتاۋعا سەپتىگىن تيگىزەدى. ناتيجەسىندە ەلىمىزدە 58 مىڭداي تۇرمىستىق ءجابىر كورۋشىلەرگە قولداۋ كورسەتىلەتىن بولادى.

ايناش ەسالي,

«ەگەمەن قازاقستان»

الماتى