قايتقان جولشيەۆتەن قايىر بار ما؟

«استانا» جولشيەۆتىڭ وسىعان دەيىن كومانداعا سىڭىرگەن ەڭبەگىن ەلەپ, ەسكەرىپ, تاعى ءبىر مۇمكىندىك بەرگەن سياقتى. كلۋبتىڭ باسشىسى سايان حاميتجانوۆ مۇنى اشىق ايتىپ وتىر. راسىندا, ەڭبەگى وراسان زور. داۋسىز. كوماندانىڭ تاريحىندا تۇڭعىش رەت چەمپيوندار ليگاسىنىڭ توپتىق كەزەڭىندە ويناۋعا تاپ وسى جولشيەۆتىڭ ناتيجەلى ويىندارى كومەكتەسكەن. «اپوەل»-گە باسپەن سوققان گولىن قالاي ۇمىتاسىڭ؟ ول كەزدە باۋىرجان ەلوردالىق كوماندانىڭ سەركەسى بولاتىن. ول كەزدە باۋىرجان مىڭداعان جانكۇيەرلەردىڭ ەركەسى بولاتىن. ول كەزدە جولشيەۆ قازاق فۋتبولىنىڭ جۇلدىزى بولاتىن.

2015 جىلى «استانا» كەزەك­تى چەم­پي­وندىعىن تويلادى. كوماندا­نى چەم­پيوندىققا سۇيرەگەن سۇرمەر­گەن­دە­رىنىڭ ءبىرى باۋىرجان جولشيەۆتىڭ «جۇلدىزدى» اۋرۋى اسقىنىپ كەتتى. ايلىعىم از دەدى. ەۋروپادا ويناعىسى كەلدى. اناۋ دەدى. مىناۋ دەدى. قىسقاسى, كلۋبتا قالۋعا ق ۇلىق تانىتپادى. اقىرى «استانا» مەن جولشيەۆتىڭ جولدارى ەكىگە ايىرىلدى.

جۇلدىزدى ويىنشىسىنان ايىرىل­عان «استانا» ابدىراپ قالعان جوق. ونىڭ ورنىن ودان دا مىقتى ويىنشىلار باستى. جانكۇيەرلەر ونىڭ جاسىل الاڭدا جوقتىعىن بايقاماي دا قالدى. باۋىرجانسىز دا چەمپيون بولدى. ەۋروپا الاڭدارىنداعى جەڭىستى جولىن ونسىز دا كۇنى بۇگىنگە دەيىن جالعاستىرىپ كەلەدى.

ال ەندى, ەكى جىل جوعارى دەڭگەيدە فۋتبول ويناماعان ادامنىڭ ەل چەمپيوندارى ساپىندا باسقالارمەن تەڭ دارەجەدە ويناپ كەتە الادى دەگەنگە ءسىز سەنە الاسىز با؟ ماسەلەن, تۆۋماسيمەن؟ ماەۆسكيمەن؟ مۇجىقوۆپەن؟

ءبىر كەزدەرى جاسىنداي جارقىلداعان ويىنشىنى «استانا-ارەنادان» قايتا كورگىمىز كەلەتىنى بەلگىلى. مəسەلە, «استانانىڭ» قۇرامىنا ىلىگە الا ما دەگەن سۇراقتا ەمەس. مəسەلە, بۇرىنعى بابىنا قايتا كەلە الا ما دەگەن سۇراقتا. باسەكەگە قابىلەتتىگىن دالەلدەسە – مىقتىلىعى. شىن تالانت­قا تۇساۋ جوق. كۇش-قۋاتى جەتەدى. فۋت­بولعا دەگەن نەمقۇرايدىلىعى نەگە الىپ كەلگەنىن تۇسىنگەن بولار. ايت­پەسە بولاشاعى بار فۋتبولشى. جاق­سى­لىق كورسە دە, جاماندىق كورسە دە وزىنەن. وتكەننەن ساباق الىپ, كەلەشەگى ءۇشىن ەڭبەكتەنسىن. قايتا بابىنا كەلىپ فۋتبول جانكۇيەرلەرىن قۋانتا بەرۋىنە, تىلەكتەسپىز!

ەركەبۇلان جومارت,

«ەگەمەن قازاقستان»