ەلباسى – قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆ جىل باسىن ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جاڭا جولداۋمەن اشتى. بۇل – ەلباسىنىڭ ادامزات قادام باسقالى وتىرعان ءداۋىردىڭ سيپاتىنا سايكەس ەلىمىزدىڭ دامۋ باعدارىن بەكەمدەۋگە باعىتتالعان كەزەكتى ماڭىزدى مالىمدەمەسى.
«...الەم ءتورتىنشى ونەركاسىپتىك رەۆوليۋتسيا داۋىرىنە, تەحنولوگيالىق, ەكونوميكالىق جانە الەۋمەتتىك سالالارداعى تەرەڭ جانە قارقىندى وزگەرىستەر كەزەڭىنە قادام باسىپ كەلەدى», دەگەن تۇجىرىمنىڭ استارىندا پرەزيدەنت جاھاندىق ولشەمدەگى وزگەرىستەرگە قازىردەن دايىن بولۋ شارتىن قويىپ وتىر.
جولداۋدا كورسەتىلگەندەي, قازاقستان ءوزى كوزدەگەن ماقساتتى مەجەلەردى سەنىمدى باعىندىرىپ, وزىندىك دامۋ فورماسىن قالىپتاستىرعان ەلگە اينالدى. سوندىقتان, ءوندىرىستى يندۋستريالاندىرۋ, كولىك-لوگيستيكا سالاسىن دامىتۋ, قۇرىلىس پەن كوممۋنالدىق سەكتورعا كوڭىل ءبولۋ ماقساتىمەن قاتار, ساپالى دا سالاماتتى قوعام قۇرۋ, الەۋمەتتىڭ الەۋەتىن ارتتىرۋ, ەلدىڭ رۋحىن جاڭعىرتۋ سەكىلدى مىندەتتەر دە العا شىعۋدا.
پرەزيدەنت ادامي كاپيتالدى جاڭعىرۋدىڭ نەگىزى رەتىندە ايقىنداپ, ءبىلىم بەرۋ مەن دەنساۋلىق ساقتاۋ سالالارىن ودان ءارى دامىتىپ, ازاماتتارعا الەۋمەتتىك قولداۋ مەن كومەك كورسەتۋدى ارتتىرۋدى مىندەتتەپ وتىر. اسىرەسە, ء«بىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ بولۋعا ءتيىس», دەگەن تالاپ ورىندى. قازىرگى قۇبىلمالى زاماننىڭ رايىن بايقاساق, ادام كەز كەلگەن ىسكە يكەمدى, جاڭالىققا جاقىن, العىر, سىني كوزقاراسى قالىپتاسقان بولۋى كەرەك.
ال وسى قاسيەتتەردى بالا جاستان ۇشتاۋ ماقساتىندا پەداگوگتاردى وقىتۋ جانە ولاردىڭ بىلىكتىلىگىن ارتتىرۋ جولدارىن قايتا قاراۋ, ءتىپتى جالاقىلارىن 30 پايىزعا دەيىن ءوسىرۋ ۇستانىمى قۇپتارلىق. ءوز كەزەگىندە ولار پرەزيدەنت ايتقان قوعامىمىزدىڭ يدەالىنا اينالۋعا جارايتىن ءوزىنىڭ تاريحىن, ءتىلىن, مادەنيەتىن بىلەتىن, سونداي-اق زامانىنا لايىق, شەت تىلدەرىن مەڭگەرگەن, وزىق ءارى جاھاندىق كوزقاراسى بار ازاماتتاردى تاربيەلەپ شىعارا الادى.
داعدارىسقا قاراماستان, الەۋمەتتىك سالاعا جۇمسالاتىن شىعىنداردى ارتتىرۋ كوزدەلگەنى دە وسى جولداۋدا ايتىلعان. بيىلدىڭ وزىندە بۇل باعىتقا بولىنگەن شىعىن 12 پايىزعا وسكەن ەكەن. وسىنىڭ ەسەبىنەن زەينەتاقى دا, مۇگەدەك بالا تاربيەلەپ وتىرعان وتباسىلار ءۇشىن بەرىلەتىن جاردەماقى دا وسپەك. وسىنداي الەۋمەتتىك قورعاۋدى شىن قاجەت ەتەتىن توپتارعا مەملەكەتتىك دارەجەدە قولداۋ مەن جاناشىرلىق كورسەتۋ يگىلىكتى ءىس دەپ بىلەمىن.
جولداۋدى تۇيىندەگەن تاراۋلاردىڭ ءبىرى – «جەمقورلىقپەن كۇرەس جانە زاڭنىڭ ۇستەمدىگى» دەپ اتالادى. مۇندا كورسەتىلگەن مىندەتتەر سوت جانە قۇقىق قورعاۋ ورگاندارىنىڭ جۇمىسىن جاڭعىرتۋ باستاماسىمەن ساباقتاس, سونداي-اق ونىڭ زاڭدى جالعاسى.
ەلباسى جولداۋدا بۇل باعىتتاعى جۇمىس ناتيجەلەرىنە از-كەم شولۋ جاساپ وتكەن. ءسوز جوق, قىلمىستىق زاڭنامانى ىزگىلەندىرۋگە قول جەتكىزدىك, قىلمىستىق پروتسەستەگى ازاماتتاردىڭ قۇقىقتارىن قورعاۋ ءىسى كۇشەيدى.
سونىمەن قاتار بارىمىزگە بەلگىلى, جەرگىلىكتى اتقارۋشى ورگاندارعا جانە جەرگىلىكتى قوعامداستىققا ەسەپ بەرەتىن جەرگىلىكتى پوليتسيا قىزمەتى قۇرىلدى. پوليتسيا قىزمەتكەرلەرىن ىسكەرلىك قابىلەتتەرى نەگىزىندە ىرىكتەۋ جۇيەسى جاقسارتىلدى. مۇنىڭ بارلىعى ەلباسى بەلگىلەپ بەرگەن ناقتى دامۋ قادامدارىنىڭ جەمىستى جۇزەگە اسىپ كەلە جاتقانىن كورسەتەدى. پرەزيدەنت سوڭعى جولداۋىندا وسى جۇمىستاردى جالعاستىرۋ قاجەت ەكەنىن تاعى جەتكىزدى.
قوعامدىق ءتارتىپتى ساقتاۋ جانە قاۋىپسىزدىكتى قامتاماسىز ەتۋ سالاسى ەلباسىنىڭ ءجىتى نازارىندا. سوندىقتان پرەزيدەنت بۇل سالانى دا جاڭا تەحنولوگيالارمەن, ينتەللەكتۋالدى جۇيەلەرمەن ەتەنە بايلانىستىرا دامىتۋدى تاپسىرىپ وتىر. وسىنىڭ نەگىزىندە «كوشەلەردە جانە ادام كوپ جينالاتىن قوعامدىق ورىنداردا بەينەباقىلاۋ جۇرگىزەتىن, ازاماتتاردى انىقتايتىن جانە جول قوزعالىسىن قاداعالايتىن ينتەللەكتۋالدى جۇيەلەردى بەلسەندى تۇردە ەنگىزۋ كەرەك». بۇل ىشكى ىستەر ورگاندارىنىڭ قىزمەتىنە, ونىڭ ىشىندە قۇقىق بۇزۋشىلىقتاردىڭ الدىن الۋ مەن انىقتاۋ جۇمىستارىنا تىڭ سەرپىن بەرەرى ءسوزسىز.
ەلباسى جولداۋى الەم ءتورتىنشى ونەركاسىپتىك رەۆوليۋتسيا دەپ اتالاتىن جاڭا كەزەڭگە اياق باسقان تۇستا جاريالانىپ وتىر. پرەزيدەنت ن.نازارباەۆ بۇل ءۇردىستى قازاقستاننىڭ دامىعان 30 ەلدىڭ قاتارىنا كىرۋ جولىنداعى تاريحي مۇمكىندىك دەپ قاراستىرعان. قوعام ءومىرىنىڭ كەز كەلگەن سالاسىنا قۇلاشى كەڭ, مۇمكىندىگى مول جاڭا تەحنولوگيالاردى كىرىكتىرۋ ارقىلى ەلىمىز تاڭداپ العان دامۋ جولىن داڭعىل ەتۋ نيەتىنەن ەشكىم دە قالىس قالماق ەمەس.
ىشكى ىستەر ورگاندارى دا ءوز قىزمەتىندە ەلباسىنىڭ وسى ستراتەگيالىق جوسپارلارىن, ناقتى تاپسىرمالارىن نازاردا ۇستاپ, ىلگەرى دامي بەرمەك.
ومىرزاق بولسامبەكوۆ,
ىشكى ىستەر ورگاندارى مەن ۇلتتىق ۇلان ارداگەرلەرى قازاقستاندىق كەڭەسىنىڭ توراعاسى, ميليتسيا گەنەرال-مايورى