دجوناتان گرانوفف: قازاقستان بەيبىتشىلىك كوپىرى ىسپەتتى

دجوناتان گرانوفف,  جاھاندىق قاۋىپسىزدىك ينستيتۋتىنىڭ پرەزيدەنتى (اقش):

قاۋىپسىزدىك ءۇشىن يادرولىق قارۋعا يە مەملەكەتتەردىڭ باسقا­لاردى ودان باس تارتۋعا شا­قىرۋى ادىلدىك ەمەس. سون­دىقتان نۇرسۇلتان نازارباەۆتىڭ شارتاراپتى اتوم بومباسىنان ازات ەتۋ تۋرالى باستاماسى وتە ماڭىزدى. الەم ەلدەرىنىڭ كوش­باسشىلارى قازاقستان پرە­زيدەنتىنىڭ بۇل باستاما­سىنا ءبىراۋىزدان قولداۋ ءبىل­دىرۋى كەرەك. ماسەلەن, اقش ءوزى­نىڭ يادرولىق قارۋدى تاراتپاۋ كەلىسىمىنە ساي ءوز مىندەتىن ورىنداپ, وقتۇمسىقتارىنان باس تارتۋى ءتيىس. مۇنداي ارەكەتتى رەسەي, قىتاي, ۇلىبريتانيا جانە فرانتسيا ەلدەرى دە ورىنداۋى قاجەت. بىلتىر شىلدەدە 122 مەملەكەت يادرولىق قارۋعا تىيىم سالۋ كەلىسىمىنە قول قويدى. ەگەر وقتۇمسىقتارى بار مەملەكەتتەر بۇعان كەلىسپەسە, ءوزارا ارىپتەستىك ورناتىپ, يادرولىق قارۋدان بىرلەسە باس تارتۋى ءتيىس.  وسى ورايدا, قازاقستاننىڭ بۇۇ-داعى قىزمەتى تالايلارعا ۇلگى بولا الادى. اسىرەسە, قاۋىپسىزدىك كەڭەسىنە تورا­عالىق ەتۋىنىڭ ماڭىزى زور. ويت­كەنى بۇل مەملەكەتتىڭ ەكى تا­راپقا كوپىر بولۋعا قابىلە­تى بار. سونىمەن قاتار قازاق­ستان قىتاي, رەسەي, اقش, ءۇندىس­تان سىندى الەمنىڭ كوپتە­گەن ەلدەرىمەن  جاقسى قارىم-قاتىناس ورناتقان. اۋعان­ستانداعى ماسەلەنى بەيبىت جولمەن شەشۋگە باتىل قادامدار جا­ساپ جاتىر. قازاقستاندا كوپ­تەگەن ەتنوستار تاتۋ-ءتاتتى ءومىر ءسۇرىپ جاتقانى بەلگىلى. وسى تۇرعىدان كوپۇلتتى, بەي­بىت جانە دامىعان قوعام قۇرۋ­دىڭ وزىق ۇلگىسىن دە كورسەتىپ كەلەدى.