ءفيلمدى كورسەتۋدەن قازاقستاندىق كينوتەاترلار تۇگەل باس تارتۋى سەبەپتى ەل اۋماعىندا كورسەتىلمەيتىن بولدى, دەپ حابارلادى پروكاتپەن اينالىساتىن «ۆولگا» كومپانياسىنىڭ وكىلى يۋليا فاتەەۆاعا سىلتەمە جاساعان Vلاست ينتەرنەت-جۋرنالى.
ء«ستاليننىڭ ءولىمى» – فرانتسۋز كوميكسى نەگىزىندە تۇسىرىلگەن ساتيرالىق كومەديا.
فيلمدە كسرو-دا 1953 جىلى ستالين ولگەن سوڭ بيلىككە تالاس باياندالعان. نەگىزگى رولدەردى ستيۆ بۋشەمي, دجەيسون ايزەكس جانە ولگا كۋريلەنكو ويناعان. فيلم اقش-تا بيىل ناۋرىز ايىندا پروكاتقا شىقپاق. «Rotten Tomatoes» سايتىندا كينوتۋىندى 8,3/10 بالدىق جۇيەمەن باعالانعان.
اتالعان كينو تۋىندى رەسەيدە دە كورسەتىلمەيتىن بولدى. ء«ستاليننىڭ ءولىمى» كارتيناسىن پروكاتقا شىعارۋعا 17 قاڭتاردا رۇقسات بەرگەن رەسەي مادەنيەت مينيسترلىگى 23 قاڭتار كۇنى رۇقساتىن قايتارىپ الاتىنىن مالىمدەدى. مينيسترلىككە قاراستى زاڭگەرلەردىڭ ءوزارا شەشىمىنشە «كومەديانىڭ تاريحي, يا مادەني تۇرعىدان ەشقانداي قۇندىلىعى جوق جانە سوۆەتتىك ەلتاڭبا, وردەن مەن مەدالدار مازاق رەتىندە كورىنىس تاپقان».