سەمەي قالاسىنىڭ توتەنشە جاعداي باسقارماسىنىڭ داعدارىس ورتالىعىندا گارنيزوننىڭ جەكە قۇرامى پرەزيدەنت نۇرسۇلتان نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىن تالقىلاۋ بويىنشا دوڭگەلەك ۇستەل ۇيىمداستىرىلدى.
جەكە قۇرام الدىندا جۇمىسپەن قامتۋ جانە الەۋمەتتىك باعدارلاما ءبولىمى باسشىسىنىڭ ورىنباسارى ايدار ساماەۆ ءسوز سويلەدى.
- ەلباسىمىزدىڭ جولداۋىنىڭ نەگىزگى باسىمدىلىعى مەملەكەتتىڭ وركەندەۋىندە ستراتەگيالىق قۇجات,-دەپ اتاپ ايتتى ايدار ساماەۆ,-وسى جولداۋىندا پرەزيدەنت ءبىرىنشى كەزەكتە ەلىمىزدىڭ جەتىستىكتەرىن اتاپ وتىر. جولداۋدا ەكونوميكالىق جانە الەۋمەتتىك سالالار اياسىندا نەگىزگى ون باسىم باعىت ايقىندالعان. جەتىنشى مىندەتتە ادامي كاپيتال – جاڭعىرۋ نەگىزى ەكەنى كورسەتىلگەن.
ايدار ساماەۆ پرەزيدەنت ءبىرىنشى كەزەكتە الەۋمەتتىك كومەك سالاسىندا, بىرقاتار جاڭا رەفورمالار ەنگىزگەنىنە توقتالىپ, «رۋحاني جاڭعىرۋ» ماقالاسىن تالقىلاۋ كەزىندە, وسى باعىتتاعى جۇمىستى جالعاستىرۋ كەرەك ەكەنىن ءسوز ەتتى.
- ال وسى نەگىزگى 10 مىندەتتەرگە قول جەتكىزۋ ءۇشىن بارلىق باعدارلامالىق قۇجاتتار بار,-دەدى ول ءسوزىن جالعاي كەلە,-ولار «قازاقستان-2050» ستراتەگياسى», «ۇلت جوسپارى – 100 ناقتى قادام», «قازاقستاننىڭ ءۇشىنشى يجاڭعىرۋى», «يندۋستريالاندىرۋ باعدارلاماسى», «ساندىق قازاقستان» كەشەندى باعدارلاما, «قازاقستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوسپارى».
كەزدەسۋ سوڭىندا سەمەي قالاسىنىڭ تجب باستىعى قانات ءابدىلوۆ 2018 جىلعى جولداۋ جاڭا الەمگە, ياعني ءتورتىنشى ونەركاسىپتىك رەۆوليۋتسيا الەمىنە بەيىمدەلۋ مەن جەتىستىككە جەتۋ جولىن تابۋ ءۇشىن نە ىستەۋ قاجەتتىگىن ايقىندايتىنىن جاڭاشا باعىت-باعدار ەكەندىگىن اتاپ ايتتى.
راۋشان نۇعمانبەكوۆا, سەمەي سۋرەتتەردى تۇسىرگەن اۆتور