اقوردانىڭ فەيسبۋك پاراقشاسىندا مەملەكەت باسشىسىنىڭ اقش-قا رەسمي ساپارىنىڭ اياسىندا وتكىزىلگەن كەزدەسۋلەرى نەگىزىندە قول جەتكىزىلگەن ۋاعدالاستىقتاردى جاريالادى, دەپ حابارلايدى "ەگەمەن قازاقستان".
1. قازاقستاننىڭ اۋە پاركى Boeing 737 MAX 8 جانە Boeing 787 Dreamliner ۇشاقتارىمەن تولىعاتىن بولدى. تاپسىرىس كولەمى – 9 ۇشاق. 2. ەلىمىزدىڭ تەمىر جولدارىندا 2019 جىلدان باستاپ General Electric كومپانياسىنىڭ تىركەمەلى لوكوموتيۆتەرى جولاۋشى تاسىماق. تەمىرجول پاركىنە قوسىلاتىن GE لوكوموتيۆتەرىنىڭ سانى – 300. 3. قازاقستاننىڭ دەنساۋلىق ساقتاۋ قىزمەتىن دامىتۋعا اقش-تىڭ سىرقاتتاردى باقىلاۋ مەن الدىن الۋ ورتالىقتارى سەپتەسەدى. Nazarbayev University – University of Pittsburgh Medical Center (UPMC) حالىقارالىق ونكوورتالىق قۇرۋعا جۇمىس جاساۋدا. 4. ەلىمىزدە ءدارى-دارمەكتى تاسىمالداۋ مەن ساقتاۋ ءۇشىن سالقىنداتۋ جۇيەلەرىن دامىتۋ بويىنشا العاشقى قادام – «Pfizer» كومپانياسىمەن تۇسىنىستىك مەموراندۋمىنا قول جەتتى. 5. Chevron مەن قازاقستان ەلىمىزدەگى بىرىككەن جوبالاردان تۇسكەن 251 ميلليون دوللاردى مۇناي مەن گاز جوبالارىنا قايتا ينۆەستيتسيالاۋدا ءوزارا تۇسىنىستىك تاپتى. 6. اقش قازاقستاندا اعىلشىن تىلىنە قولجەتىمدىلىكتى جاقسارتۋ باعدارلاماسىنا رەسۋرستىق قولداۋ كورسەتپەك. بيىلدان باستاپ امەريكالىق مۇعالىمدەر وڭىرلەردە اعىلشىن ۇيرەتىپ, تۇرمىسى تومەن وتباسىلاردان شىققان 480 بالاعا ءتىل ۇيرەنۋ ستيپەندياسى بولىنبەك