قازاقستان مەن وزبەكستان مەملەكەتتەرى ءوز قالالارىن جالعايتىن بىرنەشە اۋە رەيسىن اشۋدى كوزدەپ وتىر. بۇل تۋرالى UZREPORT TV تەلەارناسىنا سۇحبات بەرگەن قازاقستان رەسپۋبليكاسىنىڭ وزبەكستانداعى توتەنشە جانە وكىلەتتى ەلشىسى ەرىك وتەمباەۆ اتاپ ءوتتى, دەپ حابارلايدى «قازاقپارات».
قازاقستان ەلشىسى ءوز سوزىندە قازاقستان مەن وزبەكستان مەملەكەتتەرىن 2018 جىلى قانداي جاڭالىقتار كۇتىپ تۇرعانىن ايتىپ بەردى. ء«بىز اۋە گەوگرافياسى ۋاقىت وتە كەلە كەڭەيەر دەگەن سەنىمدەمىز. ناقتىراق ايتقاندا, اسىرەسە تۋريستىك باعىتتا وتە تابىستى بولار دەگەن ۇمىتپەن الماتى - بۇحارا, الماتى - حيۋا جانە الماتى-سامارقان رەيستەرىن اشۋ كوزدەلۋدە», - دەيدى ەرىك وتەمباەۆ.
ديلومات ءوز سوزىندە ينفراقۇرىلىمدىق مۇمكىندىكتەردىڭ جولىن اشۋ ارقىلى ەكى مەملەكەتكە تۋريستەر كوپتەپ اعىلۋى مۇمكىن ەكەنىن جەتكىزدى. «قازىرگى ۋاقىتتا شىمكەنت پەن تاشكەنت شاھارلارى اراسىندا تىكەلەي اۆتوبۋس باعدارى بولۋى ءۇشىن جۇمىس جۇرگىزىپ جاتىرمىز. 2018 جىلى تۋريستىك مۇمكىندىكتەر كوپتەپ اشىلار دەگەن سەنىمدەمىن», - دەيدى ەرىك وتەمباەۆ.