ينۆەستيتسيالاردىڭ دەڭگەيى قانشالىقتى جوعارى بولسا, ەكونوميكا دامۋىنىڭ ءدارەجەسى دە سونشالىقتى جوعارى بولاتىنى بەلگىلى. وسى ورايدا, كەشە «نۇر وتان» ينۆەستيتسيالىق بەلسەندىلىكتى ىنتالاندىرۋ جانە ەكسپورتتىق الەۋەتتى دامىتۋ ماسەلەلەرى جونىندەگى دوڭگەلەك ۇستەل وتكىزدى. وعان پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, پارلامەنت ءماجىلىسىنىڭ دەپۋتاتتارى, ورتالىق مەملەكەتتىك ورگانداردىڭ جانە جەرگىلىكتى اتقارۋشى ورگانداردىڭ, دامۋ ينستيتۋتتارىنىڭ, بيزنەس-قۇرىلىمدارى مەن قوعامدىق ۇيىمداردىڭ وكىلدەرى قاتىستى.
بۇگىنگى كۇنى ينۆەستيتسيالاردىڭ كولەمى بويىنشا, قازاقستان تمد كەڭىستىگىندە كوشباسشى بولىپ تابىلادى. تاۋەلسىزدىكتىڭ 20 جىلدىق تاريحىندا 122 ميلليارد دوللاردان استام قارجى تارتىلعان. ونىڭ ۇلكەن بولىگى شيكىزات سالاسىنا تيەسىلى. الايدا, سوڭعى ۋاقىتتا جاعداي وڭ باعىت العان. تەك ءوتكەن جىلدىڭ ىشىندە وڭدەۋشى ونەركاسىپكە قۇيىلاتىن قارجى كولەمى 36 پايىزعا ءوستى. الايدا, بۇل كورسەتكىش جالپى ينۆەستيتسيا كولەمىنىڭ 9 پايىزىن عانا قۇرايدى. نۇروتاندىقتاردىڭ ويىنشا, تۇبەگەيلى وزگەرىستەر كەزەڭى باستالدى. سەبەبى, ينۆەستيتسيالىق احۋالدى جاقسارتۋ پارتيا باعدارلاماسىنىڭ باسىم باعىتتارىنىڭ ءبىرى بولىپ تابىلادى.
پارتيا توراعاسىنىڭ ءبىرىنشى ورىنباسارى نۇرلان نىعماتۋليننىڭ ايتۋىنشا: «بۇگىنگى كۇنى قازاقستاننىڭ ينۆەستيتسيالىق تارتىمدى مەملەكەتكە اينالعانى – بۇل, ەڭ الدىمەن, ەلباسىمىز, «نۇر وتان» پارتياسىنىڭ ءتوراعاسى نۇرسۇلتان ءابىش ۇلى نازارباەۆتىڭ زور ەڭبەگىنىڭ ناتيجەسى. سوندىقتان, ەلىمىزگە ينۆەستيتسيالاردى تارتۋ جۇمىسىن ودان ءارى جالعاستىرۋىمىز قاجەت. سەبەبى, بۇگىنگى ينۆەستيتسيالار يننوۆاتسيالىق تەحنولوگيالارمەن تىكەلەي بايلانىستى. سونىمەن بىرگە, ينۆەستيتسيالار – بۇل, ارينە, جاڭا وندىرىستەر جانە جاڭا جۇمىس ورىندارى».
«نۇر وتان» ينۆەستورلارعا لايىقتى جاعداي جاساۋ ءۇشىن ءاربىر ينۆەستيتسيالىق جوبانىڭ ىسكە اسىرىلۋىن ءوز باقىلاۋىنا الۋعا نيەتتى. پارتيالىقتار ىقتيمال ينۆەستوردى تارتۋ كەزەڭىنەن باستاپ, جوبانىڭ ءىس جۇزىندە ىسكە اسىرىلۋ ساتىسىنا دەيىنگى جۇمىسقا مونيتورينگ جۇرگىزۋدى جوسپارلاپ وتىر. سونىمەن بىرگە, پارتيالىقتار تارتىلعان ينۆەستيتسيالار ۇلەسى ايماق اكىمدەرى قىزمەتىنىڭ باستى كورسەتكىشتەرىنىڭ ءبىرى بولۋى ءتيىس دەگەن پىكىردە.
پرەزيدەنتتىك يندۋستريالاندىرۋ باعدارلاماسى دا ىشكى جانە سىرتقى ينۆەستيتسيالاردىڭ ءوسىمىنە قولايلى جاعدايلار تۋعىزادى. وسى باعدارلاما بويىنشا جالپى قۇنى 9 ترلن. تەڭگەنى قۇرايتىن 600 جوبانى ىسكە اسىرۋ جوسپارلانعان. وبەكتىلەردىڭ ۇشتەن ءبىر بولىگى بۇگىننىڭ وزىندە ىسكە قوسىلعان. ءساتتى ينۆەستيتسيالىق جوبالار – مويناق گەس-ءى, جەتىگەن-قورعاس تەمىر جول جەلىسى. الايدا, باسىمدىق تەك ءىرى جوبالارعا عانا بەرىلمەۋى ءتيىس. «اتامەكەن وداعى» ۇەپ باسقارماسىنىڭ توراعاسى ابىلاي مىرزاحمەتوۆتىڭ ايتۋىنشا, «نۇر وتان» پارتياسى وتكىزىپ جاتقان دوڭگەلەك ۇستەلدىڭ تاقىرىبى اسا ماڭىزدى, سەبەبى, ينۆەستيتسيالاردى جەرگىلىكتى وندىرىسكە تارتۋ بۇكىل قازاقستاننىڭ ەكونوميكاسىنا وڭ ىقپال جاسايدى.
كەزدەسۋدىڭ باستى قورىتىندىلارىنىڭ ءبىرى پارتيا مەن «Kaznex Invest» ەكسپورت جانە ينۆەستيتسيا جونىندەگى ۇلتتىق اگەنتتىگى اراسىنداعى ارىپتەستىك جونىندەگى مەموراندۋمعا قول قويۋ ءراسىمى بولدى. بۇل قۇجات بارلىق نارىق قاتىسۋشىلارىنىڭ اراسىنداعى بايلانىستاردى قالىپتاستىرۋعا جانە ارىپتەستىكتىڭ تيىمدىلىگىن ارتتىرۋعا مۇمكىندىك جاسايدى. «Kaznex Invest» ەكسپورت جانە ينۆەستيتسيا ءجونىندەگى ۇلتتىق اگەنتتىك ساراپشىسى تولىباي بەكجاننىڭ ايتۋىنشا, ايماقتاردا ينۆەستورلاردى قىزىقتىراتىن وبەكتىلەر از ەمەس. سول جەرلەرگە ينۆەستورلاردى تارتۋ ءۇشىن اگەنتتىك قارقىندى جۇمىس اتقارىپ جاتىر. قول قويىلعان مەموراندۋم ينۆەستيتسيا تارتۋ جۇمىسىنا زور ۇلەس قوسادى.
پارتيالىقتار بىرلەسكەن ءىس-قيمىلدار 2020 جىلعا قاراي وتاندىق جانە شەتەلدىك ينۆەستيتسيالاردىڭ شيكىزاتتىق ەمەس سەكتورداعى ۇلەسىن جالپى كولەمنىڭ 30 پايىزىنا دەيىن جەتكىزۋ قاجەتتىلىگى تۋرالى ەلباسىنىڭ تاپسىرماسىن ساپالى تۇردە ورىنداۋعا مۇمكىندىك بەرەتىنىنە سەنىمدى.
كەزدەسۋ بارىسىندا نۇرلان نىعماتۋلين سونداي-اق پارتيالىق بيلەتتەر تابىس ەتتى. پارتيا ءمۇشەلەرى قاتارى بيزنەس وكىلدەرىمەن تولىقتى. ولاردىڭ ىشىندە «اتامەكەن وداعى» ۇلتتىق ەكونوميكالىق پالاتاسى باسقارماسىنىڭ توراعاسى ابىلاي مىرزاحمەتوۆ, لوكوموتيۆ قۇراستىرۋ زاۋىتىنىڭ ۆيتسە-پرەزيدەنتى اندرەي ەرشوۆ پەن اليانس-بانكتىڭ استانا قالالىق فيليالىنىڭ ديرەكتورى سانات ابەنوۆ بار.
«ەگەمەن-اقپارات».