سولتۇستىك قازاقستان اۋماقتىق كاسىپوداق ۇيىمىنىڭ توراعاسى بولىپ ەرىك نۇراقاەۆ سايلاندى.
جاڭا لاۋازىم يەسىن ۇجىمعا قر كاسىپوداق فەدەراتسياسى توراعاسىنىڭ ورىنباسارى مۇحتار تىنەكەەۆ تانىستىردى.
«ەرىك ەسىم ۇلىنىڭ باسشىلىق سالاسىنداعى تاجىريبەسى مول. ەسىل, اقجار اۋداندارىنىڭ, پەتروپاۆل قالاسىنىڭ اكىمى, وبلىس اكىمىنىڭ ورىنباسارى سەكىلدى ەڭبەك جولدارىنان وتكەن», دەدى ول.
جيىنعا قاتىسقان وبلىس اكىمىنىڭ ورىنباسارى اسقار ساقىپكەرەەۆ ەڭبەك ۇجىمدارىمەن 90 مىڭ قىزمەتكەردى قامتيتىن 1650 مەموراندۋمعا قول قويىلعانىن, ەڭبەك شارتتارىن ودان ءارى جەتىلدىرۋ, ەڭبەك قاۋىپسىزدىگىن ساقتاۋ باستى تالاپ بولىپ قالا بەرەتىنىن جەتكىزدى.
ۇزاق جىلعى ەڭبەگى ءۇشىن اۋماقتىق كاسىپوداق ۇيىمىنىڭ بۇرىنعى ءتورايىمى جامال احمەتوۆاعا العىس ايتىلىپ, قۇرمەت كورسەتىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى