باعانىڭ ءوسۋى مەن تۇرمىس دەڭگەيىنىڭ تومەندەۋىنە نارازى بولعان يراندىقتار 28 جەلتوقسان كۇنى شەرۋگە شىقتى. نارازى حالىق سونداي-اق يراننىڭ حالىقارالىق جانجالدارعا قاتىسۋىنا قارسى ەكەنىن ءبىلدىرىپ, ەلدىڭ جوعارعى كوشباسشىسى اياتوللا ءالي حامەنەيگە قارسى ۇرانداردى ايتۋدا. شەرۋگە شىعۋشىلار پوليتسيا قىزمەتكەرلەرىمەن قاقتىعىcىپ جاتىر. نارازىلىق شەرۋلەرى كەزىندە ەكى ادام قايتىس بولدى دەپ حابارلاندى. الەۋمەتتىك جەلى بەلسەندىلەرى ولار پوليتسيا قولىنان قازا تاپتى دەسە, بيلىك جاۋاپكەرشىلىكتى «سىرتقى كۇشتەرگە» ارتتى.
نارازىلىق شەرۋى وتكەن بەيسەنبىدە يراننىڭ سولتۇستىك شىعىسىنداعى مەشحەد قالاسىندا باستالىپ, جۇما كۇنى باسقا قالالارعا تارادى. سەنبى كۇنى ەل استاناسى تەگەراندا شاعىن شەرۋ بولىپ, وعان شىققان ستۋدەنتتەر پوليتسيامەن قاقتىعىستى.
BBC حابارلاعانداي, مەشحەدتە بىرنەشە بەلسەندى «مەنىڭ ءومىرىم گازا ءۇشىن ەمەس, ليۆان ءۇشىن ەمەس, يران ءۇشىن» دەپ ايقايلاعان. وسى ارقىلى يراندىقتار ەل ۇكىمەتىنىڭ سىرتقى ساياساتپەن تىم قاتتى اۋەستەنىپ, ەلدىڭ ىشىندەگى جاعدايعا از كوڭىل بولەتىنىن جەتكىزىپ وتىر. يران – سيرياداعى باشار اسادتىڭ ۇكىمەتىنە اسكەري قولداۋ ءبىلدىرىپ وتىرعان نەگىزگى ەلدەردىڭ ءبىرى. سونداي-اق, يران يەمەندەگى ساۋد ارابياسى جەتەكشىلىگىندەگى كواليتسياعا قارسى كۇرەسەتىن حۋسيت كوتەرىلىسشىلەرىنە قولداۋ كورسەتىپ وتىر دەپ ايىپتالادى. سونىمەن قاتار, يراننىڭ ليۆانداعى حەزبوللا توبىنىڭ جاقىن وداقتاسى ەكەنى بەلگىلى دەيدى BBC.
ال يران ۇكىمەتى بولسا, قارسىلىقتىڭ بەلەڭ الۋىنا «سىرتقى اگەنتتەردى» جانە انتي-رەۆوليۋتسياشىلداردى ايىپتاپ, ينستاگرام جانە تەلەگرام الەۋمەتتىك جەلىلەرىن بۇعاتتاپ قويدى. جەكسەنبى كەشكە ەل پرەزيدەنتى حاسان روۋحاني مەملەكەتتىك ارنالاردىڭ بىرىنەن حالىققا بەينە حابارلاما تاراتىپ, ء«بىز ەركىن ۇلتپىز جانە كونستيتۋتسيا مەن ادام قۇقىقتارىنا سايكەس حالىق سىني پىكىردى ەركىن بىلدىرە الادى, ءتىپتى شەرۋگە دە شىعا الادى, الايدا سىندى ءبىلدىرۋ زورلىق-زومبىلىقپەن قاتار جۇرمەۋى ءتيىس», دەپ مالىمدەدى.