ۇكىمەت قاۋلىسىمەن وقۋ ورنىنىڭ مارتەبەسىن وزگەرتۋ تۋرالى شەشىم قابىلداندى.
جاقسى جاڭالىقتى وقىتۋشىلار مەن عالىمدار كەڭەسىنىڭ كەڭەيتىلگەن وتىرىسىندا وقۋ ورنىنىڭ رەكتورى التىنبەك نۋح ۇلى حابارلادى. جاڭا مارتەبەسىن الۋ قۇرمەتىنە ارنالعان قۋانىشتى كۇنگە پەداگوگيكا سالاسىنىڭ ارداگەرلەرى شاقىرىلدى.
- ءبىزدىڭ وقۋ ورنى ءۇشىن بۇل ۇزاق كۇتكەن جانە باعا جەتپەس ماراپات. بۇل مارتەبە ەندى ۇلكەن مۇمكىندىكتەرگە جول اشادى. الداعى ۋاقىتتا ماگيستراتۋرا جانە دوكتورانتۋرانىڭ بىرنەشە ماماندىقتارىن اشامىز, - دەيدى ۋنيۆەرسيتەت رەكتورى.
بولاشاقتا ۋنيۆەرسيتەت وڭىردەن شىققان اقىن ءسابيت دونەنتاەۆ, ۇلى قايراتكەر مۇسا شورمانوۆ, قانىش ساتباەۆتىڭ اعاسى ابىكەي ساتباەۆ سياقتى عۇلامالاردىڭ ءبىرىنىڭ ەسىمىمەن اتالۋى دا مۇمكىن. ۋنيۆەرسيتەت الدىندا قازاق جەرىنىڭ اعارتۋشىلارى مۇسا شورمانوۆ پەن ابىكەي ساتباەۆقا بيۋست ورناتىلعان.
وبلىس ورتالىعىنداعى پەداگوگيكالىق ينستيتۋت (پپي) 1962 جىلدىڭ 1 جەلتوقسانىندا اشىلدى. وسى جىلدار ىشىندە جۇزدەگەن مامان پەداگوگتاردى دايىنداپ كەلەدى. ەلىمىزدىڭ باسەكەگە قابىلەتتى بولاشاق مامانداردى دايارلاۋعا ەندى ۋنيۆەرسيتەت مارتەبەسىن الۋى دا مۇمكىندىك بەرەدى.
قازىر وقۋ ورنىندا 4500- ستۋدەنت ءبىلىم الۋدا. بيىل 1700 ستۋدەنت وقۋعا قابىلدانىپ, ونىڭ ىشىندە 700-ءى گرانت الدى. ەلىمىزدەگى «سەرپىن» باعدارلاماسى جۇزەگە اسىرىلۋدا.سونداي-اق, ۋنيۆەرسيتەت قۇرامىنان كوللەدج اشۋ دا جوسپارلانۋدا. التىنبەك نۇح ۇلىنىڭ ايتۋىنشا, «مەكتەپكە دەيىنگى جانە ورتا ءبىلىم بەرۋ ماسەلەسىنە» ارنالعان بارلىق وبلىس ديرەكتورلارىنىڭ قاتىسۋىمەن وتەتىن العاشقى ايماقتىق پەداگوگيكالىق فورۋم ناۋرىز ايىندا وتەدى.
فاريدا بىقاي,
«ەگەمەن قازاقستان».
پاۆلودار