«قازگيدرومەت» رمك ەلىمىزدەگى ءتورت وبلىستا اۋا رايىنىڭ كۇرت قۇبىلۋىنا قاتىستى ەسكەرتۋ جاريالادى.
25 جەلتوقساندا تاڭەرتەڭ جانە كۇندىز, 26 جەلتوقساندا تۇندە جامبىل وبلىسىنىڭ كەي جەرلەرىندە قاتتى جاۋىن-شاشىن (جاڭبىردىڭ قارعا اۋىسۋى) كۇتىلەدى. 25-27 جەلتوقساندا وڭتۇستىك-باتىستان, باتىستان سوققان جەلدىڭ كۇشى كەي جەرلەردە 15-20, ەكپىنى 23-28 م/س-گە جەتەدى. وبلىستىڭ وڭتۇستىك-باتىسىندا جەل 30 م/س بولادى نەمەسە ودان دا كۇشتى سوعادى. تاراز قالاسىندا 25-27 جەلتوقساندا وڭتۇستىك-باتىس, باتىستان جەل سوعادى, كۇشى 15-20, ەكپىنى 23-28, كەي ۋاقىتتاردا 30 م/س نەمەسە ودان دا اسىپ كەتۋى ىقتيمال.
26 جەلتوقساندا وڭتۇستىك قازاقستان وبلىسىنىڭ كەي جەرلەرىندە قاتتى جاۋىن-شاشىن (جاڭبىردىڭ قارعا اۋىسۋى), تۇمان, كوكتايعاق كۇتىلەدى. وڭتۇستىك-باتىستان سوققان جەلدىڭ كۇشى كەي جەرلەردە 15-20, ەكپىنى 23-28 م/س, كۇندىز كەي جەرلەردە 30 م/س شاماسىندا نەمەسە ودان دا ەكپىندى جەل كۇتىلەدى. 25-26 جەلتوقساندا پاۆلودار وبلىسىندا جاۋىن-شاشىن (كوبىنەسە قار), كەي جەرلەردە بۇرقاسىن, تۇمان, كوكتايعاق كۇتىلەدى. وڭتۇستىك-باتىستان سوققان جەلدىڭ كۇشى كەي جەرلەردە 15-20 م/س بولادى, 25 جەلتوقساندا ەكپىنى 23-28, كەي جەرلەردە 30 م/س ءتىپتى ودان دا ۇدەۋى ىقتيمال.
26-سى, 27 جەلتوقساندا كۇندىز شىعىس قازاقستان وبلىسىنىڭ كەي جەرلەرىندە قار قاتتى جاۋادى, كەي جەرلەردە بۇرقاسىن, تۇمان, كوكتايعاق كۇتىلەدى. كۇندىز 25 جەلتوقساندا, تاۋلىك بويى 26-27 جەلتوقساندا وڭتۇستىك-باتىستان سوققان جەلدىڭ كۇشى كەي جەرلەردە 15-20, ەكپىنى 23-28 م/س, كۇندىز 25, تاۋلىك بويى 26 جەلتوقساندا كەي جەرلەردە ەكپىنى 30 م/س جانە ودان دا كۇشتى جەل سوعۋى ىقتيمال.