ماسكەۋدىڭ ۆنۋكوۆا اۋەجايىندا Utair اۋەكومپانياسىنىڭ ستيۋاردەسساسى ۇشاقتان قۇلاپ اۋرۋحاناعا جەتكىزىلدى. بۇل تۋرالى رەسەيلىك تاسس اگەنتتىگى حابارلايدى.
«حانتى-مانسيسك قالاسىنا ۇشار الدىنداعى دايىندىق بارىسىندا ۇشاقتىڭ ارتقى ەسىگىن جاپپاق بولعان بورتسەرىكتىڭ اياعى تايىپ كەتىپ پەررونعا قۇلادى. ول جەدەل تۇردە اۋرۋحاناعا جەتكىزىلدى» - دەپ جازىلعان اۋەكومپانيانىڭ ءباسپاسوز قىزمەتى تاراتقان حابارلامادا.
حابارلامادا سونداي-اق, وقيعانىڭ سەبەپتەرى انىقتالىپ, زارداپ شەگۋشىگە جان-جاقتى كومەك كورسەتىلىپ جاتقانى اتاپ وتىلگەن.