ەلوردا تاريحىندا تۇڭعىش رەت كەڭ كولەمدى قىسقى مارافون باستالدى. جارىستىڭ ۇيىمداستىرىلۋىنا «ماrat#ON» مارافون كلۋبىنىڭ قۇرمەتتى مۇشەسى, اتاقتى قازاقستاندىق مارافونشى مارات جىلانباەۆ, استانا قالاسىنىڭ اكىمدىگىنىڭ بۇقارالىق سپورت ءىس-شارالارىن وتكىزۋ جونىندەگى ديرەكتسياسىنىڭ جەتەكشىسى ازامات يماشەۆ, قر جەڭىل اتلەتيكا فەدەراتسياسى مۇرىندىق بولىپ وتىر.
جارىسقا قازاقستاننىڭ تۇكپىر تۇكپىرىنەن بارلىعى 400 سپورتشى قاتىسۋعا نيەت ءبىلدىردى. قىسقى مارافون ءۇش قاشىقتىق - 42, 21 مەن 10 شاقىرىم بويىنشا وتۋدە.
«باس كەزىندە 300 ورىن 30 ساعاتتىڭ ىشىندە ساتىلىپ كەتتى. سوندىقتان جارىستىڭ ۇيىمداستىرۋ كوميتەتى قوسىمشا تاعى دا 100 ورىن بولگەن بولاتىن, الايدا ول دا 2 ساعاتتىڭ ىشىندە تاۋسىلىپ قالدى. شىنىن ايتساق, ءبىز ونداي قىزىعۋشىلىق بولادى دەپ ويلاعان جوقپىز. وسىنىڭ ءوزى xالىقتىڭ سپورتقا دەگەن ىنتاسىن كورسەتسە كەرەك», - دەيدى Astana Winter Marathon ۇيىمداستىرۋ كوميتەتىنىڭ ءباسپاسوز xاتشىسى اسەم ءابدىرايىموۆا.
ونىڭ ايتۋىنشا, قاتىسۋشىلار ءاربىر قاشىقتىققا بولەك-بولەك تىركەلگەن. سونداي-اق, 4-6 مىڭ تەڭگە كولەمىندە جارنا جاسادى. سپورتشىلاردىڭ باسىم بولىگى - 207 ادام 10 شاقىرىمدى تاڭدادى. 144 ادام 22 شاقىرىمعا, ال 49 سپورتشى تولىق مارافون, ياعني 42 شاقىرىمعا تاۋەكەل ەتكەن.
جارىسقا تىركەلگەندەردىڭ ىشىندە - قر پرەزيدەنت اكىمشىلىگىنىڭ باسشىسى ادىلبەك جاقسىبەكوۆ, «قازاقستان دامۋ بانكى» اق باسقارما توراعاسى بولات جامىشەۆ, قر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ توراعاسى باعدات مۋسين, بيزنەسمەن ايدىن راxىمباەۆ جانە تاعى باسقالار بار.
سونىمەن, «Astana Winter Marathon» جارىسى ترياتلون پاركىندە ءوتىپ جاتىر. تۇسكە تامان قىسقا قاشىقتىقتاردىڭ جەڭىمپازدارى انىقتالسا, تۇستەن كەيىن تولىق مارافوننىڭ جۇلدەلەرى تابىستالادى.
ال جارىستىڭ ۇيىمداستىرۋشىسى جوعارىدا ايتىلعانداي گيننەس رەكوردتار كىتابىنىڭ جەتى دۇركىن رەكوردشى, حالىقارالىق دەڭگەيدەگى سپورت شەبەرى مارات جىلانباەۆ. ول بىرنەشە رەت قىسقى جارىستاردا الىس قاشىقتارعا جۇگىرگەن. ال 1992 جىلى ەكىباستۇزدان الماتىعا دەيىن ەكسترەمالدى تومەن تەمپەراتۋرادا 1 400 شاقىرىمدى باعىندىرعان.