پارلامەنت سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنداعى باعالاۋ قىزمەتى تۋرالى» زاڭ جوباسى قارالدى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى
زاڭ جوباسى باعالاۋ قىزمەتىنىڭ ءوزىن-ءوزى رەتتەۋ جۇيەسىن ودان ءارى جەتىلدىرۋگە, سونداي-اق الەۋمەتتىك-ەكونوميكالىق پروتسەستەرگە باعالاۋ قىزمەتىنىڭ تولىققاندى قوسىلۋىن قامتاماسىز ەتەتىن نورماتيۆتىك قۇقىقتىق بازانى جەتىلدىرۋگە باعىتتالعان.
قۇجاتتا باعالاۋ قىزمەتىمەن كاسىبي تۇردە اينالىساتىن ادامداردىڭ باعالاۋشىلار پالاتالارىندا مىندەتتى تۇردە مۇشە بولۋى كوزدەلىپ وتىر. سانى كەمىندە ءۇش ءجۇز مۇشەنى قۇرايتىن باعالاۋشىلار پالاتالارىندا ءوز مۇشەلەرىنىڭ باعالاۋ قىزمەتىنىڭ ساپاسى باقىلانادى, باعالاۋشىلاردىڭ قۇقىقتارى مەن زاڭدى مۇددەلەرى قورعالاتىن بولادى.
زاڭ جوباسىندا باعالاۋشىلار پالاتالارى «باعالاۋشى», «ساراپشى» بىلىكتىلىگىن بەرۋ تۋرالى كۋالىكتەر, باعالاۋشىلار مەن ساراپشىلاردىڭ بىلىكتىلىگىن ارتتىرۋ جانە قايتا دايارلاۋ كۋرستارىنان وتكەنى تۋرالى سەرتيفيكاتتار بەرىلەتىنى تۋرالى ەرەجەلەر بار. ودان باسقا, باعالاۋ قىزمەتىنىڭ ستاندارتتارى بەلگىلەنەتىن بولادى.
سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە باعالاۋ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا قارادى.
تۇزەتۋلەر ازاماتتىق, ەڭبەك, اكىمشىلىك قۇقىق بۇزۋشىلىقتار تۋرالى كودەكستەرگە, سونداي-اق «جىلجىمايتىن م ۇلىك يپوتەكاسى تۋرالى», «ساقتاندىرۋ قىزمەتى تۋرالى», «اكتسيونەرلىك قوعامدار تۋرالى», «كولىك قۇرالدارى يەلەرىنىڭ ازاماتتىق-قۇقىقتىۇ جاۋاپكەرشىلىگىن مىندەتتى ساقتاندىرۋ تۋرالى», «تۋروپەراتوردىڭ جانە تۋراگەنتتىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ تۋرالى», «وسىمدىك شارۋاشىلىعىنداعى مىندەتتى ساقتاندىرۋ تۋرالى» جانە «مەملەكەتتىك م ۇلىك تۋرالى» زاڭدارعا ەنگىزىلەتىن بولدى.
وتىرىستىڭ كۇن تارتىبىنە «جابىرلەنۋشىلەرگە زياندى وتەۋ قورى تۋرالى» زاڭ جوباسىن تالقىلاۋ دا ەندى.
بۇل قۇجات قىلمىستىق قۇقىق بۇزۋشىلىقتاردان زارداپ شەككەن جابىرلەنۋشىلەرگە وتەماقى تولەۋ جونىندەگى قۇقىقتىق, الەۋمەتتىك جانە ۇيىمداستىرۋشىلىق نەگىزدەردى رەتتەيدى.
زاڭ جوباسى زاڭ جوباسى جابىرلەنۋشىلەر قۇقىقتارىن قورعاۋ تەتىكتەرىن قالىپتاستىرۋ, ولارعا جانە ولاردىڭ زاڭدى وكىلدەرىنە قارجى كومەگىن بەرۋ ءۇشىن, سونداي-اق جابىرلەنۋشىلەرگە زياندى وتەۋ قورىندا قۇقىقتىق, ۇيىمداستىرۋ, قارجىلىق, اكىمشىلىك-ءبولۋ رەسۋرستارىن جيناقتاۋ ارقىلى قارجىلاندىرۋ جانە قارجى تولەۋ ءتارتىبىن جۇيەلەۋ تۋرالى جاعداي جاسايدى.
قۇجات ەرەجەلەرى قىلمىستىق قۇقىق بۇزۋشىلىقتاردىڭ جەكەلەگەن ساناتتارى بويىنشا زارداپ شەككەن ازاماتتارعا جەرلەۋ, ەمدەۋ, ايىقتىرۋ جانە باسقا دا شارالاردىڭ شىعىندارىنا بايلانىستى ماتەريالدىق اۋىرتپالىقتاردى ازايتۋعا باعىتتالعان. ودان باسقا, مەملەكەتتىڭ ارالاسۋى ارقىلى شىعىننىڭ ورنىن تولتىرۋ ينستيتۋتىنىڭ تيىمدىلىگى ارتا تۇسەدى جانە قىلمىستىق قۇقىق بۇزۋشىلىقتاردى جاساعان ادامدارعا قارسى مەملەكەتتىڭ كەرى تالاپ قويۋى ىنتالاندىرىلادى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە جابىرلەنۋشىلەرگە زياندى وتەۋ قورى قىزمەتىنىڭ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىمەن بيۋدجەت, قىلمىستىق, قىلمىستىق-پروتسەستىك, قىلمىستىق-اتقارۋ كودەكستەرىنە, سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا تۇزەتۋلەر ەنگىزىلەدى.
زاڭ جوبالارى پالاتانىڭ قاراۋىنا جىبەرىلدى.