وبلىستىڭ باس مۇعالىمى بولعان 44 جاستاعى قايىرعالي كەنجەعاليەۆ بۇعان دەيىن وبلىستىق ءبىلىم بەرۋ باسقارماسى باسشىسىنىڭ ورىنباسارى قىزمەتىن اتقارعان,- دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
جاڭا باسشىنى وبلىس اكتيۆى جيىنىندا ايماق باسشىسى نۇرلان نوعاەۆ تانىستىردى. قايىرعالي كەنجەعاليەۆ قاراپايىم مۇعالىمنەن مەملەكەتتىك قىزمەتكەرگە دەيىنگى ەڭبەك جولىنان وتكەن. اتىراۋ قالاسىنداعى ءبىلىم بەرۋ مەكەمەلەرىندە باسشىلىق لاۋازىمدا بولدى. 2016 جىلدىڭ جەلتوقسانىنان بەرى اتىراۋ وبلىستىق ءبىلىم بەرۋ باسقارماسى باسشىسىنىڭ ورىنباسارى. نۇرلان نوعاەۆ جاڭا باسشىنى لاۋازىمىمەن قۇتتىقتاپ, بىرقاتار ناقتى تاپسىرمالار بەردى. ايماق باسشىسى وبلىستاعى ءبىلىم بەرۋ سالاسىندا وڭ وزگەرىستەر بولۋى كەرەكتىگىن اتاپ ايتتى.