بالاباقشا – بارشانىڭ ماسەلەسى

«بۇگىنگى تاڭدا بالاباقشا ءما­سە­لەسى رەسپۋبليكا كولەمىندە كەشەندى تۇردە شەشىلۋدى قاجەت ەتەتىن وزەكتى ماسەلەنىڭ بىرىنە اي­نالدى. ويتكەنى, مەكتەپكە دەيىنگى بالا تاربيەسىمەن قامتۋ بۇگىنگى كۇنى 35 پايىزدى عانا قۇراپ وتىر. ونى 100 پايىزعا جەتكىزۋ «بالاپان» باعدارلاماسىنىڭ ال­عى­شارتى, نەگىزى بولماق. وسى با­لاباقشا ماسەلەسى – وڭىرلەردە ساي­لاۋشىلارمەن كەزدەسۋلەر ءوت­كىز­گەن كەزدە ءجيى كوتەرىلەتىن ءما­سەلەنىڭ ءبىرى بولىپ تابىلادى. ءويت­كەنى, جامبىل وبلىسى بو­يىنشا قازىرگى تاڭدا بالاباقشا كەزەگىندە 24000 بالا تۇر. وسى كۇندەرى شۋ اۋدانىندا «بالاپان» باعدارلاماسى شەڭبە­رىندە بىرقاتار جۇمىستار اتقا­رىل­عانىمەن بالالاردى مەكتەپكە دەيىنگى تاربيەمەن قامتۋ كور­سەتكىشى 17,8 پايىزدى عانا قۇراپ وتىر. وسى ورايدا, شۋ قالا­سىنان 280 ورىندىق بالاباقشا قۇرىلىسىنا 488 ملن. تەڭگەنىڭ جوبالىق-سمەتالىق قۇجاتتارى دا­يىن­دالىپ, مەملەكەتتىك ساراپتامادان وتكىزىل­سە, تولە بي اۋى­لىنان سالىناتىن 280 ورىندىق بالاباقشانىڭ جوبا­لىق-سمەتا­لىق قۇجاتتارى دايىن­دالۋ ءۇستىن­دە. ال بۇرىن بالاباقشا بولىپ, بۇگىنگى كۇندە باسقا ماقساتتا پايدالانىپ وتىرعان عيمارات­تاردى قالپىنا كەلتىرۋدە ءبىرلى­كۇستەم اۋىلىنداعى 50 ورىن­دىق بالاباقشانى قايتا جابدىقتاۋ ءۇشىن 60,1 ملن. تەڭگەگە, شۋ قالا­سىنداعى №40 مەكتەپتىڭ بۇرىنعى عيماراتىن 180 ورىندىق بالاباق­شا جاساۋ ءۇشىن 199,5 ملن. تەڭگەگە جوبالىق-سمەتالىق قۇجاتتار دا­يىن­دالىپ, مەملەكەتتىك ساراپتامادان وتكىزىلدى. جاڭاجول جانە تولە بي اۋىلدارىنداعى عيمارات­تار جەكە تۇلعالاردان ساتىپ الىن­دى. اتالعان عيماراتتارعا كۇر­دەلى جوندەۋ جۇمىستارىن جۇرگىزۋگە جوبالىق-سمەتالىق قۇ­جاتتار دايارلانۋدا. جاڭاجول اۋىلىنداعى بالاباقشا عيما­را­تىن كۇردەلى جوندەۋگە 80,0 ملن. تەڭگە, تولە بي اۋىلىنداعى بالا­باقشا عيماراتىن كۇردەلى ءجون­دەۋگە 115,0 ملن. تەڭگە قارجى قا­جەت. سونداي-اق, قازىرگى كەزدە شەشىمىن تاپپاي وتىرعان ەكىنشى ماسەلە, كەيبىر اۋىلدارداعى وقۋ­شىلارىمىز وتكەن عاسىردىڭ 40-60 جىلدارىندا پايدالانۋعا بەرىلگەن ىڭعايلاستىرىلعان عيما­رات­تاردا ءبىلىم الۋدا. اتاپ ايتقاندا, ەڭبەكشى اۋىلىنداعى مەكتەپ ىڭعايلاستىرىلعان ءبو­لەك-بولەك عيماراتتارعا ورنالاس­قان. سونىمەن قاتار, بايدىبەك اۋىلىن­داعى 150 ورىندىق م.مامەتوۆا ورتا مەكتەبى 1961 جىلى, بولتىرىك اۋىلىندا 150 ورىندىق ءا.مول­داعۇلوۆا ورتا مەكتەبىنىڭ عيما­راتتارى 1940 جىلى سالىن­عان. اتالعان ءبىلىم مەكەمەلەرىنىڭ عيما­راتتارىنىڭ اپاتتى جاع­دايىن ەسكەرە وتى­رىپ, جوبالاۋ-سمەتالىق قۇجات­تارى جاسالۋدا. شۋ اۋدانى, سا­ۋىتبەك اۋىلىن­داعى 1960 جىلى سوعىلعان 150 ورىن­دىق العا ورتا مەكتەبىنە جاڭادان 150 ورىن­دىق مەكتەپتىڭ عيمارا­تىنىڭ قۇرىلىسىن جۇرگىزۋ ءۇشىن 406 ملن. تەڭگەگە جوبالىق-سمە­تالىق قۇجاتتارى دايىندا­لىپ, مەملەكەتتىك ساراپتامادان ءوت­كىزىلدى. وسىعان بايلانىستى, ءبىلىم جانە عىلىم ءمينيسترى ب.جۇما­عۇلوۆتان جامبىل وبلىسى, شۋ اۋدانى ءبىلىم بەرۋ مەكەمەلەرىنىڭ قۇرىلىسىن جۇرگىزۋگە قوسىمشا قارجى بولۋگە كومەك كورسەتۋ سۇرالدى. امزەبەك جولشىبەكوۆ, ءماجىلىس دەپۋتاتى.