دوستىق ۇيىندە وتكەن «بەيبىتشىلىك, بىرلىك, كەلىسىم-رۋحاني جاڭعىرۋدىڭ نەگىزى» اتتى فورۋمدا وبلىس اكىمىنىڭ ورىنباسارى ماديار قوجاحمەت, وبلىستىق اسسامبلەيانىڭ حاتشىلىق مەڭگەرۋشىسى نايل ساليموۆ «رۋحاني جاڭعىرۋ» باعدارلاماسى اياسىندا جۇزەگە اسىرىلعان شارالارمەن قاتار الداعى مىندەتتەردى دە ورتاعا سالدى.
بۇگىنگى كۇنى وڭىردە تۇراقتى تۇردە جۇمىس ىستەيتىن 203 ەتنومادەني بىرلەستىك قۇرامىنا 2 مىڭداي ادام تارتىلعان. 2500-دەي ءتۇرلى ءىس-شارا وتكىزىلىپ, 250 مىڭ ادام قامتىلعان. مەدياتسيا كابينەتتەرى 30 پايىزعا ۇلعايىپ, 97-گە جەتكەن. «قامقور», «جاقسىلىق جاسا», «بەلىي تسۆەتوك», «قوعامدىق باستاما», «قايىرىمدىلىق كەش» كونكۋرس-اكتسيالار شەڭبەرىندە 1500 ء ىس-شارا ۇيىمداستىرىلىپ, تۇرمىسى تومەن وتباسىلارعا, از قامتىلعان ادامدارعا, مۇگەدەك جاندارعا 157 ميللين تەڭگەنىڭ كومەگى بەرىلگەن. قوعامدىق كەلىسىم كەڭەستەرىنە ەكى ءجۇز ادام الەۋمەتتىك ماسەلەلەر بويىنشا قايرىلعان.
سالتاناتتى شارا بارىسىندا وبلىستىق اسسامبلەيامەن قويان-قولتىق جۇمىس ىستەپ جۇرگەن ءبىر توپ بەلسەندى مۇشەگە قازاقستان حالقى اسسامبلەياسىنىڭ جانە وبلىس اكىمىنىڭ قۇرمەت گراموتالارى تابىس ەتىلدى. ولاردىڭ اراسىندا «تۇرىك مادەنيەتى» قوعامدىق ۇيىمى توراعاسىنىڭ ورىنباسارى ديليارا حاسانوۆا , انالار كەڭەسىنىڭ ءتورايىمى ك ۇلىمكوز سمايىلوۆا, ع. مۇسىرەپوۆ اۋدانى قوعامدىق كەڭەس ءتورايىمى باقىت جانتاسوۆا, تاعى باسقالارى بار.
اسسامبلەيانىڭ باستاماسىمەن ۇيىمداستىرىلعان «مىڭ بالا» رەسپۋبليكالىق مادەني-اعارتۋشىلىق جوباسىنىڭ ء«تىل مەكتەبى» اۆتورلىق كۋرستار باعدارلاماسىنىڭ جەڭىمپازى بولىپ قازاق ءتىلى مەن ادەبيەتى پاندەرىنىڭ مۇعالىمى راحات ازىمباەۆا تانىلسا, № 17 مەكتەپتىڭ وقۋشىسى ابباس دۋرسۋنوۆ الاشوردانىڭ 100 جىلدىعىنا ارنالعان «كەمەل ەلدىڭ كەمەڭگەر قالامگەرلەرى» ەسسە مەن ولەڭدەر بايقاۋىندا توپ جاردى. «شاڭىراق» ايماقتىق بايقاۋىندا بىرلىك پەن كەلىسىم تاقىرىبىنا قالام تەربەگەن ارايلىم بەيسەنباەۆا, تاتيانا دەلل, ءساليما بازاربەكوۆا, ينديرا قاليەۆا سياقتى جۋرناليستەر ۇزدىك اتاندى.
م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ وقىتۋشىسى يۋليا كۋزمەنكو عىلىمي جوبالار سايىسىندا «جاستاردى پاتريوتيزمگە تاربيەلەۋدەگى ەتنوگرافيالىق ءتۋريزمدى پايدالانۋ مۇمكىندىگى» تاقىرىبىمەن ەرەكشەلەندى. «بالقاديشا», «الۋا», «قۋانامىن», «زۆونيتسا», «ليايسان» حالىقتىق بي, ءان توپتارىنا دا ەرەكشە قۇرمەت كورسەتىلدى.
«قازاقستانداعى 100 جاڭا ەسىم» جوباسى بويىنش ۇزدىك دەپ تانىلعان 8 جەرلەسىمىز ورتاعا شاقىرىلىپ, ۇلكەن قوشەمەتپەن قارسى الىندى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.