ماڭعىستاۋ وبلىسىنىڭ اكىمى ەرالى توعجانوۆ نيدەرلاندى كورولدىگىنىڭ قازاقستان, قىرعىزستان مەن تاجىكستانداعى توتەنشە جانە وكىلەتتى ەلشىسى ديرك يان كوپتى قابىلدادى.
كەزدەسۋ ماقساتى - ماڭعىستاۋ وبلىسى مەن نيدەرلاندى كورولدىگى اراسىنداعى ىسكەرلىك بايلانىستاردى نىعايتۋ. جيىندا ەكى ەل اراسىنداعى ساۋدا-ەكونوميكالىق قارىم-قاتىناس, ينۆەستيتسيالىق احۋال ءسوز بولىپ, ەلشى ەكسپورتقا بەيىمدەلگەن نيدەرلاندىنىڭ كاسىپكەرلەرى قازاقستاندا بيزنەسىن وركەندەتۋگە ىنتالى ەكەندىكتەرىن جەتكىزدى.
قوس مەملەكەت اراسىندا ساۋدا اينالىمى تۇراقتى. اعىمداعى جىلدىڭ قاڭتار-قازان ايلارىندا ماڭعىستاۋ مەن نيدەرلاندى اراسىنداعى ساۋدا اينالىمى 141 ملن. اقش دوللارىن قۇراعان. ونىڭ ىشىندە 130,7 ملن. اقش دوللارى ەكسپورتقا, 10,2 ملن. اقش دوللارى يمپورتقا تيەسىلى.
ەكسپورتقا مۇناي ونىمدەرى, اسكەري كەمەلەر مەن يادرولىق رەاكتورلار جانە اۋىر تەحنيكالار تاسىمالدانعان. ال, يمپورتقا بۋكسيرلەر مەن سۇيرەگىش كەمەلەر, مەتالل ونىمدەرى جانە بوياۋلار جەتكىزىلگەن. بۇگىندە ماڭعىستاۋ وبلىسىنداعى 44 مەكەمەدە نيدەرلانديالىق كومپانيالاردىڭ ۇلەسى بار. جيىن سوڭىندا ەكى ەلدىڭ اراسىندا جۇزەگە اسىرىلاتىن جوبالار تالقىلاندى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى