مەملەكەتتىك باعدارلامالاردىڭ جۇزەگە اسىرلۋىن پىسىقتاۋ ماقساتىندا تولە بي اۋدانىنا جاساعان جۇمىس ساپارى بارىسىندا وبلىس اكىمى ج.تۇيمەباەۆ باستاعان بىرقاتار وبلىستىق ءماسليحاتتىڭ دەپۋتاتتارى اۋداندا اتقارىلعان يگى ىستەردىڭ كۋاسى بولدى.
جۇمىسشى توپ ەڭ الدىمەن كيەلىتاس اۋىلدىق وكرۋگىندەگى قۇرىلىسى ءجۇرىپ جاتقان ونەركاسىپتىڭ ءبىرى – «لەنگەر قۇس» اۋىل شارۋاشىلىق وندىرىستىك كووپەراتيۆىنىڭ جاعدايىن كوردى. جيىرما مۇشەنىڭ باسىن قوساتىن اۋىلشارۋاشىلىعى كووپەراتيۆىنە بىرىككەن قۇس فەرماسىنىڭ قۇرىلىسى اياقتالۋعا جاقىن. كووپەراتيۆ مۇشەلەرىنىڭ ايتۋىنشا, وتكىزگەن ەتتىڭ ءار كەلىسىنە 80 تەڭگەدەن, ال جەمگە 20 تەڭگەدەن سۋبسيديا الاتىن بولادى. جوبا تولىقتاي ىسكە قوسىلعاندا جىلىنا 200 تونناعا جۋىق قۇس ەتىن وندىرەمىز دەپ وتىرعان شارۋالار تاۋارلارىن «شىمكەنت قۇس» كاسىپورنىنا وتكىزەتىن بولادى. جىلىنا 6 اينالىمدا جۇمىس ىستەيتىن قۇس فەرماسى قۇستاردى 35-40 كۇن باعامىز دەيدى. سونىمەن قاتار, ولار كووپەراتيۆكە بىرىگۋىنىڭ ارقاسىندا ساتىپ الىنعان قۇرال-جابدىقتارعا كەتكەن شىعىننىڭ 50 پايىزى مەملەكەت تاراپىنان سۋبسيديالانىپ وتىرعانىن ايتتى.
ساپار بارىسىندا ايماق باسشىسى لەڭگەر قالاسىندا ورنالاسقان «يانگۋان» جشس-ءنىڭ جيھاز جاسايتىن تسەحىن ارالاپ كوردى. وتكەن جىلى جۇمىسىن باستاعان كاسىپورىنعا تارتىلعان ينۆەستيتسيا كولەمى 100 ملن تەڭگەنى قۇرايدى. ءبىر ايدا 500 دانادان استام جيھاز وندىرەتىن كاسىپورىن وتكەن جىلى التى مىڭنان استام ورىندىق, ال وسى جىلدىڭ ون ايىندا التى مىڭ بەس جۇزگە جۋىق ورىندىق جاساپ شىعارعان. كاسىپورىندا جالپى سانى 50 ادام جۇمىس جاسايدى. ورىندىقتاردى جاساۋعا قاجەتتى اعاش پەتروپاۆل, پاۆلودار قالالارىنان تاسىمالدانادى ەكەن.
بۇدان بولەك, ءوڭىر باسشىسى اققۇم اۋىلدىق وكرۋگىندەگى «تۇمار» اۋىل شارۋاشىلىق وندىرىستىك كووپەراتيۆىندە بولىپ, جۇمىسىمەن تانىستى. وندىرىستىك كووپەراتيۆ ايو «وڭتۇستىك» 53 ملن تەڭگە, ال «قاز اگرو» قارجىلاي ورتالىعى ارقىلى 53 ملن. تەڭگە كولەمىندە نەسيە العان. جىلىنا 75 مىڭ تونناعا جۋىق ەت ءوندىرىپ ەكسپورتقا شىعارۋدى جوسپارلاپ وتىرعان مال سويۋ تسەحىندا كۇنىنە 100 باس ءىرى قارا سويۋعا مۇمكىندىك بار. مۇندا 25 ادام جۇمىسپەن قامتىلىپ وتىر. بۇگىندە ەتتى شەتەل نارىعىنا شىعارۋ ءۇشىن بىرقاتار ەلدەرمەن كەلىسىمدەر جۇرگىزىلۋدە ەكەن.
تابيعاتى تۋريزم سالاسىن دامىتۋعا ابدەن لايىق ايماقتا وبلىس اكىمى «عايىپ ەرەن قىرىق شىلتەن» كيەلى ورنىنا بارىپ, قايىرىمدىلىق قورىنىڭ جۇمىسىمەن تانىستى. 1993 جىلى قۇرىلعان «عايىپ ەرەن قىرىق شىلتەن» قايرىمدىلىق قورىنىڭ توراعاسى مۇحتار ناقىپبەكوۆ كيەلى ورىنعا جىلىنا ەكى جارىم مىڭعا جۋىق ادام كەلىپ كەتەتىنىن اتاپ ءوتتى. سونىمەن قاتار, ول اۋماعى ەكى گەكتار جەردى الىپ جاتقان ورىندا كەلۋشىلەرگە ىڭعايلى جاعداي جاساۋ ءۇشىن 100 ورىندىق قوناق ءۇيدىڭ قۇرىلىسى دا جۇرگىزىلىپ جاتقانىن جەتكىزدى. مۇندا تۋريستەرگە ارنالعان قازاقتىڭ سالت-ءداستۇرى مەن ادەت-عۇرپىنان سىر شەرتەتىن شاعىن مۇراجاي دا بار.
اۋدانعا جاساعان جۇمىس ساپارىن قورىتىندىلاعان وبلىس اكىمى اتقارىلىپ جاتقان جۇمىستارعا وڭ باعاسىن بەرىپ, بۇل ءار سالاداعى جاڭا باعىت-باعدار ارقىلى جۇمىس جاساۋدىڭ ارقاسىندا قول جەتكىزىلگەن ناتيجە ەكەنىن اتاپ ءوتتى. سونىمەن قاتار, اكىم تاۋەلسىزدىك العان 25 جىلدا اۋداندا كوپقاباتتى ۇيلەر سالىنىپ 480 وتباسىنى باسپانامەن قامتۋ مۇمكىن بولعان ەمەس ەكەنىن ايتتى. بۇگىندە ەلباسىنىنىڭ تاپسىرماسىنىڭ نەگىزىندە جاسالعان ۇكىمەتتىڭ قولداۋلارى اياسىندا كوپتەگەن شارۋا قوجالىقتار مەن ءوندىرىس ورىندار ءوز كاسىپتەرىن دامىتتى. مەملەكەتتەن بەرىلەتىن سۋبسيديانىڭ ارقاسىندا مال سويۋ بەكەتىنە وتكىزىلەتىن ءىرى قارا باستىڭ باعاسى بازارداعى نارىقتان جوعارى بولىپ وتىرعانىن جەتكىزدى. وسىلايشا, تاۋەلسىز ەلىمىزدىڭ تۇرعىندارىنىڭ ءال اۋقاتى مەن تۇرمىس دەڭگەيى كوتەرىلىپ كەلەتىنىن ايتقان ج.تۇيمەباەۆ وسى باعىتتاعى جۇمىستاردى جالعاستىرۋدى اۋدان اكىمىنە مىندەتتەدى.