ورالدا جەرلەستەر فورۋمى وتۋدە

فورۋم اياسىندا «تۋعان ولكەم – تىرەگىم» اتتى جاستار فورۋمى TEDTalks فورماتىندا ءوتتى. نازارباەۆ ينتەللەكتۋالدى مەكتەبىندە وتكەن كەزدەسۋدە قر پارلامەنتى سەناتى دەپۋتاتى بىرعانىم ءايتىموۆا, الەمگە ەسىمى تانىس الپينيست ماقسۇت جۇماەۆ, تانىمال ونەر قايراتكەرى, ء«ازىل الەمى» ءازىل-سىقاق تەاترىنىڭ ديرەكتورى تۇرسىنبەك قاباتوۆ, «قازاقستان 2050» قوزعالىسىنىڭ جەتەكشىسى, كاسىپكەر مۇxتار مانكەەۆ سپيكەر ساناتىندا ءسوز الدى. كوپشىلىك جاستار باتىس قازاقستان وبلىسىنىڭ اكىمى التاي كولگىنوۆتىڭ اڭگىمەسىنە دە ىقىلاسپەن قۇلاق ءتۇرىپ, قول سوقتى. فورۋمعا ساياساتتانۋشى ساياسات نۇربەك, «ازاماتتىق باستامالار زەرتتەۋ ورتالىعى» كەاق باسقارما توراعاسى نۇرلان وتەشەۆ ارنايى شاقىرىلعان.

- فورۋمنىڭ ماقساتى - تۋعان ولكەگە دەگەن سۇيىسپەنشىلىك ارقىلى ەلباسىنىڭ «رۋxاني جاڭعىرۋ» باعدارلامالىق ماقالاسىندا بەلگىلەنگەن نەگىزگى ماقساتتاردى جۇزەگە اسىرۋعا جاڭا سەرپىلىس بەرۋ, عىلىم-ءبىلىم, ونەر, دەنساۋلىق ساقتاۋ, سپورت جانە ازاماتتىق باستامالاردى كۇشەيتۋگە ىقپال جاساۋ, - دەيدى شارانى ۇيىمداستىرۋشىلار.

مەتسەناتتار فورۋمىنىڭ ەكىنشى بولىگى «رۋxاني جاڭعىرۋ» باعدارلاسىنىڭ 4 نەگىزگى كىشى باعدارلامالارى – «تاربيە جانە ءبىلىم», «اتامەكەن», «رۋxاني قازىنا» جانە «اقپارات تولقىنى» بويىنشا سەمينار-ترەنينگتارمەن جالعاسادى.

فورۋم ورال قالاسى مەن بارلىق اۋدان اكىمدىكتەرى ۇيىمداستىرعان كورمەمەن قورىتىلانباق. بۇل كورمەگە «تۋعان جەر» باعدارلاماسى اياسىندا وزدەرىنىڭ تۋعان جەرىنە دەمەۋشىلىك كورسەتكەن مەتسەناتتار جوباسى قويىلادى. سالتانات سارايىندا وتەتىن فورۋمدا جومارت جۇرەكتى جاندارعا قۇرمەت كورسەتىلمەك.

«تۋعان جەر» باعدارلاماسى اياسىندا بيىل باتىس قازاقستان وبلىسىنىڭ كاسىپكەرلەرى تۋعان جەرىنە 1 ميلليارد 600 ميلليون تەڭگە كولەمىندە دەمەۋشىلىك تانىتقان ەكەن. وسى قارجىنىڭ 1 ملرد. تەڭگەدەن استامى بالاباقشالار مەن بالدىرعاندار ءۇشىن ويىن الاڭقايلارىن, مەديتسينالىق نىساندار مەن سپورت كەشەندەرىن سالۋعا جۇمسالعان.

- مۇنداي الەۋمەتتىك ءمان-ماڭىزى زور نىسانداردىڭ كوپتەپ ىسكە قوسىلۋى ەل-جۇرتتىڭ ەرتەڭگى كۇنگە دەگەن سەنىمىن بەكىتىپ, ءارى قوعامدىق ىنتىماقتى دا نىعايتا تۇسەدى, - دەيدى ءوڭىر باسشىسى التاي كولگىنوۆ.

قازبەك قۇتتىمۇرات ۇلى,

«ەگەمەن قازاقستان»