وڭتۇستىك قازاقستان وبلىسىندا اعىمداعى جىلى وبلىستىق جەر كاداسترى جانە جىلجىمايتىن م ۇلىكتى تەحنيكالىق تەكسەرۋ دەپارتامەنتى حالىققا مەملەكەتتىك جانە كوممەرتسيالىق قىزمەت كورسەتۋ بويىنشا بىرقاتار اۋقىمدى جۇمىستار اتقاردى.
ماسەلەن, وسى جىلدىڭ 10 ايىندا جەر تەلىمىنە جالپى 50 مىڭنان استام سايكەستەندىرۋ قۇجاتى جانە جىلجىمايتىن م ۇلىك نىساندارىنا 25 مىڭعا جۋىق تەحنيكالىق تولقۇجات ازىرلەنگەن. بۇل تۋرالى بۇگىن وقو وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا وبلىستىق جەر كاداسترى جانە جىلجىمايتىن م ۇلىكتى تەحنيكالىق تەكسەرۋ دەپارتامەنتىنىڭ ديرەكتورى دانابەك يسابەكوۆ مالىمدەدى.
ونىڭ ايتۋىنشا, دەپارتامەنت 14 مەملەكەتتىك جانە 30-دان استام كوممەرتسيالىق قىزمەت كورسەتىپ كەلەدى. اتاپ ايتقاندا, جەر تەلىمىنە جەكە مەنشىك قۇقىعىنا جانە جەردى پايدالانۋ قۇقىعىنا اكتىلەردى راسىمدەۋ, سونداي-اق جەر تەلىمىنىڭ كاداسترلىق قۇنىن انىقتاۋ سىندى قىزمەت تۇرلەرىن كورسەتىپ كەلەدى.
«ەڭ ۇلكەن سۇرانىسقا يە قىزمەت تۇرلەرى - جەر تەلىمدەرىنە سايكەستەندىرۋ قۇجاتتارىن جانە جىلجىمايتىن م ۇلىك نىساندارىنىڭ تەحنيكالىق تولقۇجاتىن دايىنداۋ بولىپ وتىر. قازىرگى تاڭدا مەملەكەتتىك قىزمەتتەرگە قۇجاتتاردى قابىلداۋ جانە بەرۋ حالىققا قىزمەت كورسەتۋ ورتالىقتارى ارقىلى جۇزەگە اسىرىلادى», - دەدى دانابەك ەرجان ۇلى.
سونىمەن قاتار, وبلىستىق جەر كاداسترى جانە جىلجىمايتىن م ۇلىكتى تەحنيكالىق تەكسەرۋ دەپارتامەنتىنىڭ قازىعۇرت اۋداندىق بولىمشەسى بيىلعى جىلدىڭ ناۋرىز ايىنان پيلوتتىق جوبانى ىسكە قوسقان. ونى ىسكە اسىرۋ ماقساتىندا جۇمىسشى توبى قۇرىلىپ, جىلجىمايتىن م ۇلىككە قۇقىقتاردى مەملەكەتتىك تىركەۋ قىزمەتىنىڭ كورسەتىلۋ ساپاسى باقىلاۋعا الىنىپ وتىر.
ءباسپاسوز كونفەرەنتسياسىندا دەپارتامەنت باسشىسى مەكەمە قىزمەتكەرلەرى تاراپىنان دۇرىس قىزمەت كورسەتىلمەگەن جاعدايدا نەمەسە تۋىنداعان ماسەلەلەر مەن ارىز-شاعىمدار بويىنشا 8-747-703-76-21نومىرىنە, ياعني, «WhatsApp» جەلىسىنە حابارلاسۋعا بولاتىنىن اتاپ ءوتتى. سونداي-اق, ول دەپارتامەنتتىڭ بارلىق بولىمشەلەرىندە شاعىم-ۇسىنىس جاشىكتەرى ورنالاستىرىلعانىن جەتكىزدى.