جاڭا نىساندار ءۇشىن قۋانىشتى

ءبىر ەرەكشەلىگى, قالقامان­دىقتاردىڭ تۇگەلگە دەرلىگى جۇ­مىس­پەن قامتىلعان. ويت­كەنى وندىرىستىك قالانى اينالا ور­نالاسقان ۇلكەندى-كىشىلى زاۋىتتار مەن اۋىل شا­رۋا­شىلىعى سالاسى بو­يىنشا كو­كونىس وسىرۋگە ار­نالعان ەگىس­تىك تاناپتارى جۇمىس كۇشىنە ۇلكەن سۇرانىس تۋدىرادى. سوندىقتان بۇل­ اۋىل تۇرعىندارى تەك الەۋ­مەت­تىك نىسانداردىڭ جەتكىلىك­سىزدىگىنە عانا نازار اۋدا­راتىن. وسى ولقىلىقتىڭ ور­­نى بىرتىندەپ تولىپ كەلەدى. تاياۋ­دا قالقامان اۋىلىندا 20 جىل بويى قاڭىراپ بوس تۇرعان عيمارات جوندەۋدەن ءوتتى. جوندەۋ جۇمىستارىنا وبلىس­تىق بيۋدجەتتەن 100 ميلليون تەڭگە ءبولىندى. جاۋاپتى مەردىگەر كومپانيا قۇ­رىلىس جۇمىستارىن جوسپار بويىنشا جۇرگىزىپ, ۋاقى­تىندا پايدالانۋعا بەردى. قازىر جاڭا عيماراتتا اۋىل­دىق ەمحانا تۇرعىندارعا مەدي­تسينالىق قىزمەت كور­سەتۋ­دە. 

قالالىق ورتالىق اۋرۋحا­نا ديرەك­تورى­نىڭ مىندەتىن ات­قا­رۋشى باقىتجا­مال نۇرال­دينوۆانىڭ ايتۋىنشا, ەمحانادا العاشقى مەديتسينالىق جار­دەم, تەراپەۆت, فيزيوتەراپيا, قان الۋ, حيميزاتور, ەكپە سالۋ, اكۋشەر, ەم-شارا جانە كۇندىزگى ەمدەۋ ستا­تسيونارىنا ارنالعان كابينەتتەر بار. جەدەل جاردەم بريگاداسى دا تاۋ­لىك بويى جۇمىس ىستەيدى. ءتىپتى ەكگ جۇيە­سى بويىنشا وبلىس ورتا­لىعىنداعى كار­­ديو­لوگتارعا ونلاين-رەجىم­دە اقپارات جىبەرىپ, قورى­تىندى دا الا الادى. سونىڭ ناتي­جەسىندە ناۋقاسقا دەر كەزىندە كومەك كورسەتۋگە مۇم­كىندىك بار. سونىمەن بىرگە جۋىردا ەۆگەنەۆكا اۋىلىندا دا جاڭا دارى­گەرلىك امبۋ­لاتوريا اشىلدى. بۇل نى­ساننىڭ قۇرىلىسىنا وبلىس­تىق بيۋدجەتتەن 147 ميل­ليون تەڭگە قاراجات بولىنگەن ەكەن. قۇرىلىس جۇمىستارىن جەر­گىلىكتى «ستالمونتاج» جشس جۇر­گىزدى. اۋىل تۇرعىنى رىم­كەش شا­پاعاتقىزىمەن سوي­لەس­كەنىمىزدە, ول دارىگەرلىك ەم­حا­نانىڭ سالىنۋىن­ تۇر­عىن­دار­دىڭ كوپتەن كۇتكەنىن, ون­داعى كۇندىزگى ستاتسيوناردىڭ قو­لاي­لى ەكەنىن, سونىمەن بىرگە جاس­وسپىرىمدەرگە ارنالعان سپورت كە­شەنىنىڭ پايدالانۋعا بەرىلۋى دە اۋىلعا ايرىقشا كوڭىل ءبولىنىپ وتىر­عانىن بايقاتاتىنىن جەتكىز­دى.

فاريدا بىقاي, «ەگەمەن قازاقستان»

پاۆلودار وبلىسى, اقسۋ قالاسى