ۇلان اۋدانىنىڭ قاسىم قايسەنوۆ كەنتىندە 2004-2005 جىلدارى تۋعان جاسوسپىرىمدەر اراسىندا تاۋەلسىزدىك كۇنىنە ارنالعان بوكستان وبلىستىق تۋرنير وتۋدە. اتالمىش سپورتتىق شارادا 14 كوماندا, 142 سپورتشى باق سىناسۋدا.
جاس بوكسشىلار باسەكەسىنىڭ اشىلۋىندا ۇلان اۋدانى اكىمىنىڭ ورىنباسارى نۇرجان ابدىكارىموۆ بارلىق قاتىسۋشىلارعا ساتتىلىك تىلەدى. «قۇرمەتتى قوناقتار, جارىسقا قاتىسۋشى سپورتشىلار, سىزدەردى بۇگىنگى سپورت مەرەكەسىنىڭ اشىلۋىمەن قۇتتىقتايمىن. قازىرگى ايتۋلى مەرەكەلەرىمىزدىڭ ءبىرى – تاۋەلسىزدىگىمىزدى تويلاۋعا مۇرىندىق بولعان بابالارىمىزدىڭ ەرلىگىن ەستەن شىعارماۋىمىز ءتيىس. بۇگىن تۇندىگىن تۇرگەن بوكس جارىسىندا بارلىقتارىڭىزعا اق جول تىلەيمىن», دەدى ول.
سونداي-اق, جارىستىڭ اشىلۋى بارىسىندا اۋداننىڭ سپورت جاناشىرلارى شىعىس قازاقستان وبلىستىق وليمپيادالىق رەزەرۆ دايىندىعى ورتالىعىنىڭ ديرەكتورى, قر قۇراماسىنىڭ جاسوسپىرىمدەر اراسىندا اعا جاتتىقتىرۋشىسى قايرات ساتجانوۆتى «2017 جىلدىڭ جاسوسپىرىمدەر اراسىندا ەڭ ۇزدىك جاتتىقتىرۋشىسى» نوميناتسياسىن جەڭىپ الۋىمەن قۇتتىقتادى.
بىلعارى قولعاپ شەبەرلەرىنىڭ باسەكەسى بيىل العاش رەت وبلىستىق دەڭگەيدە وتكىزىلىپ وتىر. سپورتشىلار بارلىعى 15 سالماق دارەجەسىندە مىقتىنى انىقتايتىن بولادى. وبلىستىق تۋرنيردە ۇزدىك ناتيجە كورسەتكەن سپورتشىلار الداعى ۋاقىتتاردا وتەتىن ءىرى دودالاردا ءوڭىر نامىسىن قورعايتىن بولادى. ايتا كەتەيىك, وبلىستىق تۋرنير جەلتوقساننىڭ 7-نە دەيىن جالعاسادى.
ازامات قاسىم,
«ەگەمەن قازاقستان»
شىعىس قازاقستان وبلىسى,
ۇلان اۋدانى