مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا, مەملەكەتتىك قىزمەتتەر كورسەتۋ ۇدەرىسىن مەيلىنشە وڭتايلاندىرۋعا, ادامنىڭ ءوزىنىڭ بارۋىن قاجەتسىنبەيتىن قىزمەتتەردى تولىق ەلەكتروندىق فورماتقا كوشىرۋدى مىندەتتەدى.
وسى رەتتە, قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتى ەلەكتروندى تۇردە قىزمەت الۋدىڭ اشىقتىعى مەن قولجەتىمدىلىگىن قامتاماسىز ەتۋ ماقساتىندا ەلەكتروندى تۇردە قىزمەت الۋ تاسىلدەرى بويىنشا ەكى تىلدە بەينەروليك ازىرلەپ, «memkyzmet.kz» سايتىنىڭ «egov.kz» ايدارىنا ورنالاستىردى.
بۇگىندە ەلەكتروندى تۇردە كورسەتىلگەن قىزمەتتەر ۇلەسىنىڭ تومەن بولۋى, حالىقتىڭ كومپيۋتەرلىك ساۋاتتىلىعىنىڭ تومەندىگى مەن قىزمەتتەردى ەلەكتروندى تۇردە الۋ تاسىلدەرىن جەتىك مەڭگەرمەۋ سالدارىنان ورىن الۋدا. ەلەكتروندى قىزمەت الۋ تاسىلدەرىن مەڭگەرۋگە سەپتىگىن تيگىزەتىن بۇل بەينەروليك, الداعى ۋاقىتتا ءوز جەمىسىن بەرەدى دەپ سەنەمىز دەيدى دەپارتامەنت ماماندارى.
بۇعان قوسا, اتالعان بەينەروليك وبلىسىمىزداعى 33 حقكو بولىمدەرىندە
2 اي كولەمىندە كورسەتىلىپ, بارلىق مەملەكەتتىك مەكەمەلەردىڭ دەربەس جۇمىس كومپيۋتەرلەرىنە ورنالاستىرىلدى. سونىمەن بىرگە, وقو ايماقتىق وقىتۋ ورتالىعى مەن جوعارى وقۋ ورىندارىندا, كوللەدجدەر مەن مەكتەپتەردە كورسەتىلەتىن بولادى.
اتالعان باعىتتاعى جۇمىستاردىڭ ورىندالۋىن قامتاماسىز ەتۋ ءۇشىن اعىمداعى جىلدىڭ 9 قاراشاسىندا وبلىس اكىمدىگى جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى كوميسسيا وتىرىسىندا وبلىس اكىمى ج.تۇيمەباەۆ مەملەكەتتىك ورگان باسشىلارى مەن قىزمەتكەرلەردىڭ حقكو بارماي مەملەكەتتىك قىزمەتتەردى «egov» پورتالى ارقىلى ەلەكتروندى تۇردە قىزمەت الۋدى تاپسىردى.