ماڭعىستاۋ وبلىسى اكىمىنىڭ ءبىرىنشى ورىنباسارى تاعايىندالدى

وبلىس اكىمىنىڭ ءبىرىنشى ورىنباسارى بولىپ سەرىك امانعاليەۆ تاعايىندالدى. ول 1960 جىلى 6 جەلتوقساندا گۋرەۆ وبلىسى ماحامبەت اۋدانىنىڭ ماحامبەت اۋىلىندا دۇنيەگە كەلگەن. 1983 جىلى ا.س. پۋشكين اتىنداعى ورال پەداگوگيكالىق ينستيتۋتىن  بىتىرگەن.

ەڭبەك جولىن 1983 جىلى ورتا مەكتەپتىڭ تاريح ءپانى مۇعالىمىنەن باستاپ, ديرەكتوردىڭ وقۋ-تاربيە جۇمىسى جونىندەگى ورىنباسارى, كەيىن مەكتەپ ديرەكتورى بولىپ قىزمەت اتقاردى.

1995-2007 جىلدارى – اتىراۋ وبلىسىندا ماحامبەت اۋداندىق جانە قالالىق ءبىلىم ءبولىمىنىڭ باستىعى, كەيىن وبلىستىق ءبىلىم دەپارتامەنتىنىڭ ديرەكتورى قىزمەتىندە بولدى.

2008-2011 جىلدارى – اتىراۋ وبلىسىنىڭ قۇرمانعازى اۋدانىنىڭ اكىمى, وبلىس اكىمىنىڭ ورىنباسارى بولدى.

2011 جىلدىڭ مامىر ايىنان باستاپ قازاقستان رەسپۋبليكاسى پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى قىزمەتتەرىن اتقاردى.  

«قۇرمەت» وردەنىمەن (2008), «قازاقستان رەسپۋبليكاسىنىڭ تاۋەلسىزدىگىنە 10 جىل» (2002), «استانانىڭ 10 جىلدىعى» (2008), ى. التىنسارين اتىنداعى مەدالدارىمەن (2006), «قر ءبىلىم بەرۋ ءىسىنىڭ ۇزدىگى» بەلگىسىمەن (1998) ماراپاتتالعان.

گۇلايىم شىنتەمىرقىزى, «ەگەمەن قازاقستان»

ماڭعىستاۋ وبلىسى