كەشە قايرات ءماميدىڭ توراعالىق ەتۋىمەن بولعان پارلامەنت سەناتى بيۋروسىنىڭ وتىرىسىندا پارلامەنت ءماجىلىسىندە ماقۇلدانعان زاڭ جوبالارى كوميتەتتەر مەن سەنات اپپاراتىنا بەرىلدى, دەپ حابارلادى پالاتانىڭ ءباسپاسوز قىزمەتى.
وتىرىستا ازياداعى ءوزارا ءىس-قيمىل جانە سەنىم شارالارى ءجونىندەگى كەڭەس حاتشىلىعىنىڭ, ونىڭ پەرسونالىنىڭ جانە كەڭەسكە مۇشە مەملەكەتتەر وكىلدەرىنىڭ ارتىقشىلىقتارى مەن يممۋنيتەتتەرى تۋرالى كونۆەنتسيانى, 1992 جىلعى 15 مامىرداعى ۇجىمدىق قاۋىپسىزدىك تۋرالى شارتقا وزگەرىستەر ەنگىزۋ تۋرالى حاتتامانى, 2002 جىلعى 7 قازانداعى ۇجىمدىق قاۋىپسىزدىك تۋرالى شارت ۇيىمىنىڭ جارعىسىنا وزگەرىستەر ەنگىزۋ تۋرالى حاتتامانى, قازاقستان مەن بەلارۋس اراسىنداعى ازاماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوبالارى ودان ءارى زەردەلەۋ ءۇشىن حالىقارالىق قاتىناستار, قورعانىس جانە قاۋىپسىزدىك كوميتەتىنە بەرىلدى.
قازاقستان مەن سەربيا اراسىنداعى ەركىن ساۋدا تۋرالى ۇكىمەتارالىق كەلىسىمدى راتيفيكاتسيالاۋ تۋرالى, «عارىش قىزمەتى تۋرالى», «قازاقستان رەسپۋبليكاسىنىڭ كەيبىر زاڭنامالىق اكتىلەرىنە عارىش قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى», «گاز جانە گازبەن جابدىقتاۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە گاز جانە گازبەن جابدىقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى بويىنشا باس كوميتەت بولىپ ەكونوميكالىق جانە وڭىرلىك ساياسات كوميتەتى بەلگىلەندى.
زاڭناما جانە قۇقىقتىق ماسەلەلەر كوميتەتى «قازاقستان رەسپۋبليكاسى مەملەكەتتىك تاۋەلسىزدىگىنىڭ جيىرما جىلدىعىنا بايلانىستى راقىمشىلىق جاساۋ تۋرالى», ەلىمىزدىڭ كەيبىر زاڭنامالىق اكتىلەرىنە ادۆوكاتۋرا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى جانە «مەملەكەتتىك قۇقىقتىق ستاتيستيكا جانە ارنايى ەسەپكە الۋ تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى بويىنشا نەگىزگى كوميتەت بولىپ بەلگىلەندى.