جۋىردا ءوزىنىڭ 80 جىلدىق تاريحى قارساڭىندا قاراعاندى زووباعى جانۋارلاردىڭ تاعى 20 تۇرىمەن تولىقتى.
جۋىردا ءوزىنىڭ 80 جىلدىق تاريحى قارساڭىندا قاراعاندى زووباعى جانۋارلاردىڭ تاعى 20 تۇرىمەن تولىقتى. اتاپ ايتار بولساق, ولاردىڭ ىشىندە ءبىر جاسار «چامپان» زەبراسى, امۋر جولبارىسى, شينشيللا جانە ەلىكتەر بار. سونداي-اق توتىقۇس, ۇكى سەكىلدى قۇستاردى ەندى قاراعاندىلىق زووباققا كەلۋشىلەر جاقىننان تاماشالاي الادى. مۇنداي سىيدى جەرگىلىكتى مەتسەناتتار مەن دەمەۋشىلەر «جىلى جۇرەك – جومارت قول» شاراسى اياسىندا تارتۋ ەتكەن.
جالپى, قاراعاندى مەملەكەتتىك زوولوگيالىق باعى – ەلىمىزدەگى ەڭ ەسكى باقتاردىڭ ءبىرى. بۇگىنگى تاڭدا مۇندا 200-دەن استام جانۋار ءتۇرى مەكەندەيدى. قالالىق حايۋاناتتار باعىنىڭ ديرەكتورى مادينا ءاشىروۆانىڭ ايتۋىنشا, اتالمىش حايۋاناتتار باعىنا زەبرا العاش رەت اكەلىندى.
جوعارىدا ايتقان «چامپان» زەبراسىن سىيلاعان دەمەۋشى بۇگىنگى تاڭدا قاراعاندىلىقتارعا ەسىمى كەڭىنەن تانىس «يۋجنىي» سۋپەرماركەتتەر جەلىسىنىڭ يەسى.
دەمەۋشىلەر سىيلىعى قالا تۇرعىندارىنىڭ قىزىعۋشىلىعىن ارتتىرا تۇسۋدە. «جىلى جۇرەك – جومارت قول» شاراسى ءالى دە جالعاسىن تاۋىپ جاتسا قۇبا-قۇپ.
ميراس اسان,
«ەگەمەن قازاقستان»
قاراعاندى وبلىسى