پاۆلودار وبلىسى ورتالىعىنداعى سۋ قۇبىرلارى بويىندا اپات ورىن الدى, دەپ حابارلايدى egemen.kz ءتىلشىسى.
قازىر 1 مامىر, تورايعىروۆ, كرۋپسكايا كوشەلەرىندەگى تۇرعىن ۇيلەردى ىستىق سۋعا قوسۋ ءۇشىن اپاتتىق بريگادالار كۇنى-ءتۇنى جۇمىس جاساۋدا. قالالىق اكىمدىكتىڭ حابارىنشا, اپاتتىڭ نەدەن ورىن العانى انىقتالىپتى. جەكە نىسانعا كارىز جۇيەسىن تارتپاق بولعان جەكە كاسىپكەردىڭ ارەكەتىنەن سوڭ ديامەترى 600 مم. سۋ قۇبىرى ماگيسترالى زاقىمدانعان.
ەندى وسى ارالىققا ۇزىندىعى 9 مەتر قۇبىر جاڭادان سالىنۋدا. ماماندار تاۋلىك بويى كراننان اققان سۋدى ىشۋگە, تاماققا قولدانۋعا بولمايتىنىن ەسكەرتۋدە. تۇرعىن ۇيلەرگە اۋىز سۋ جەتكىزىلۋدە.
فاريدا بىقاي
«ەگەمەن قازاقستان»,
پاۆلودار