الماتى وبلىسىندا ءۇش كۇنگە جالعاسقان «سونار – 2017» حالىقارالىق قۇسبەگىلەر سايسى بۇگىن اياقتالدى. وندا ەلىمىزدىڭ ءىشى-سىرتىنان كەلگەن 48 بۇركىت, 4 قارشىعا مەن 4 يتەلگى سايىسقا ءتۇستى.
قۇسبەگىلەر جارىسىن قورىتىندىلاۋعا الماتى وبلىسى اكىمىنىڭ ورىنباسارى جاقسىلىق ومار, «قىران» فەدەراتسياسىنىڭ پرەزيدەنتى نۇرلان ونەرباي جانە ۇلتتىق سپورتتىڭ قامقورشىلارى ورالباي Əبدىكəرىم, قانات احمەتوۆ, باعدات مۇپتەكەقىزى قاتىسىپ, جەڭىمپازدارعا سىيلىق تابىستادى.
بۇركىتتەر باسەكەسىندە استانا قالاسىنان كەلگەن كۇنتۋعان سەرىكبايدىڭ «تۇيعىن» اتتى بۇركىتى I ورىندى يەلەندى. II ورىندى اتىراۋلىق ارمان كۇشقاروۆتىڭ «اقەدىلى» ەنشىلەسە, III ورىن جامبىلدىق سەرىكبولسىن جالعاس ۇلىنىڭ «قاپسالعانىنا» بۇيىردى.
قارشىعالاردىڭ سايىسىندا الماتىلىق سەيىتجان بەكسۇلتاننىڭ «كوكجەندەت» اتتى قارشىعاسى I ورىندى يەلەندى. جامبىلدىق باباجان بەرىكبولسىننىڭ «قانجارى» II ورىن, الماتىلىق رينات مىرزاباەۆتىڭ «الاۋ» اتتى قارشىعاسى III ورىن الدى.
قىران قۇستى قولدا باپتاعان قۇسبەگىلەرگە دە ارنايى سىيلىقتار تابىستالدى. ء«بىرجان سال» اتىنداعى سىيلىق تاتتىمبەت كاپ ۇلىنا, «اقان سەرى» اتىنداعى ارنايى جۇلدە الدابەرگەن شارىپوۆكە, «قاپەز سال» اتىنداعى سىيلىق دۋلات اقانوۆقا بەرىلدى.
تالدىقورعان ماڭىنداعى سىرىمبەت اۋىلىندا وتكەن حالىقارالىقۇلتتىق سپورت سايسى «جالايىر شورا» قۇسبەگىلىك مەكتەبىنىڭ قۇرىلعانىنا 30 جىل تولۋىنا وراي ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا العا قويىلعان ماقساتتاردى جۇزەگە اسىرۋ نەگىزىندە ۇيىمداستىرىلدى. سوناردا تۇڭعىش رەت اساۋ ۇيرەتۋ, تەڭگە ءىلۋ, قىزقۋ, ساداق اتۋ, اۋدارىسپاق, كوكپار تارتۋ بويىنشا جارىس وتكىزىلدى.
ايتا كەتەيىك, سپورتتىق شارانى قازاقستان رەسپۋبليكاسى مəدەنيەت جəنە سپورت مينسترلىگى سپورت جəنە دەنە شىنىقتىرۋ كوميتەتىنىڭ, ۇلتتىق سپورت تۇرلەرى قاۋىمداستىعىنىڭ جانە «قانسونار» اڭشىلاردىڭ قوعامدىق بىرلەستىكتەرى مەن اڭشىلىق شارۋاشىلىعى سۋبەكتىلەرىنىڭ رەسپۋبليكالىق قاۋىمداستىعىنىڭ قولداۋىمەن الماتى وبلىستىق تۋريزم, دەنە شىنىقتىرۋ جəنە سپورت باسقارماسى مەن «قىران» فەدەراتسياسى ۇيىمداستىرىپ وتىر.
ۇلاربەك نۇرعالىم ۇلى,
«ەگەمەن قازاقستان».
الماتى وبلىسى, سىرىمبەت اۋىلى