قازاقستان جاستار قۇراماسىنىڭ شابۋىلداۋشى جارتىلاي قورعاۋشىسى يۋري پەرتسۋح قازاقستاننىڭ ءتورت دۇركىن چەمپيوندارى «استانا» فۋتبول كلۋبىمەن ەڭبەك شارتىنا قول قويدى.
يۋري الماتىنىڭ تسسكا-سىنىڭ تاربيەلەنۋشىسى. ول 17 جاسىندا كاسىبي فۋتبولدا دەبيۋتتى كەزدەسۋىن وتكىزگەن. پەرتسۋح ءوزىنىڭ ءتالىم العان كلۋبىنان بولەك, ءبىرىنشى ليگادا ەلوردالىق «بايتەرەك» جانە پەتروپاۆلدىڭ «قىزىل جار سك» ساپىندا ونەر كورسەتكەن. 2017 ماۋسىمدا 21 جاسار جارتىلاي قورعاۋشى ورالدىڭ «اقجايىق» كومانداسىندا قازاقستان پرەمەر-ليگاسىندا ونەر كورسەتتى. وسى ماۋسىمدا پەرتسۋح كلۋب ساپىندا پرەمەر-ليگا مەن قازاقستان كۋبوگىندا 26 ماتچ وتكىزىپ, 2 گول سوعىپ, 3 ناتيجەلى پاس بەرگەن. بۇل كورسەتكىش بويىنشا كومانداداعى ەڭ ۇزدىكتەردىڭ ءبىرى بولدى. يۋري 17 جاسقا دەيىنگى قازاقستان جاسوسپىرىمدەر قۇراماسىنىڭ ساپىندا ونەر كورسەتىپ, وسى ماۋسىمنان باستاپ جاستار قۇراماسىنا شاقىرتۋ الدى. ول جاسوسپىرىمدەر قۇرامىندا 9 ويىن وتكىزىپ, ونىڭ بەسەۋىن ەۋروپا چەمپيوناتىنىڭ ىرىكتەۋ كەزەڭىندە وتكىزگەن.