وبلىس اكىمى ەرالى توعجانوۆ ايماقتىڭ اكتيۆىنە قالانىڭ جاڭا باسشىسىن تانىستىردى. اقتاۋدىڭ اكىمى بولىپ عالىمجان نيازوۆ تاعايىندالدى. ول وسىعان دەيىن ماڭعىستاۋ وبلىسى اكىمىنىڭ تۇرعىن ءۇي-كوممۋنالدىق شارۋاشىلىق, قۇرىلىس جانە يننوۆاتسيا ماسەلەلەرى بويىنشا كەڭەسشىسى قىزمەتىن اتقاردى, دەپ حابارلادى egemen.kz تىلشىسىنە ماڭعىستاۋ وبلىسى اكىمىنىڭ ءباسپاسوز قىزمەتى.
نيازوۆ عالىمجان مۇقىر ۇلى ماڭعىستاۋ وبلىسى, شەتپە سەلوسىندا 1973 جىلى 14 ساۋىردە دۇنيەگە كەلگەن.
2000 جىلى قانىش ساتپاەۆ اتىنداعى قازاق ۇلتتىق پوليتەحنيكالىق ۋنيۆەرسيتەتىن, 2008 جىلى شاحماردان ەسەنوۆ اتىنداعى كاسپي مەملەكەتتىك جانە ينجينيرينگ ۋنيۆەرسيتەتىن تامامداعان.
ول ەڭبەك جولىن 1990 جىلى شەۆچەنكو قالاسىندا سلەسار, كاسىپورىننىڭ جۇرگىزۋشىسى بولىپ باستاعان.
2013-2014 جىلدارى ارالىعىندا قىزىلوردا وبلىسى قۇرىلىس باسقارماسىنىڭ ء بولىم باسشىسى, باسقارما باسشىسىنىڭ ورىنباسارى بولدى.
2014 جىلدان 2016 جىلعا دەيىن قىزىلوردا وبلىسى مەملەكەتتىك ساتىپ الۋ باسقارماسىنىڭ باسشىسى بولدى.
2016 جىلدان 2017 جىلعا دەيىن استانا قالاسىندا «سك-فارماتسيا» جشس-دە ءبولىم باسشىسى, باسقارۋشى ديرەكتور, دەپارتامەنت ديرەكتورى بولىپ قىزمەت ەتتى.
2017 جىلى ناۋرىز ايىنان باستاپ ماڭعىستاۋ وبلىسى اكىمىنىڭ تۇرعىن ءۇي-كوممۋنالدىق شارۋاشىلىق, قۇرىلىس جانە يننوۆاتسيا ماسەلەلەرى بويىنشا كەڭەسشىسى قىزمەتىن اتقارادى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى