ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتى جانىنان قۇرىلعان ءدىن ىستەرى جونىندەگى رەسپۋبليكالىق اقپاراتتىق-ناسيحاتتاۋ توبى الماتى قالاسىندا اقپاراتتىق-ناسيحاتتاۋ جۇمىستارىن جۇرگىزدى.
سەمينارلار مەن كەزدەسۋلەردە كۇن تارتىبىنە قويىلعان باستى ماسەلە ̶ وڭىردەگى ءداستۇرلى ەمەس ءدىني اعىمدارمەن قارسى كۇرەس شارالارىن كەشەندى جۇرگىزۋ. دەلەگاتسيا قۇرامىنا اتالعان سالاداعى جەتەكشى ماماندار مەن ساراپشىلار كىرەدى. ولاردىڭ قاتارىندا: ءدىن ىستەرى كوميتەتىنىڭ ءدىنتانۋ ساراپتاماسى باسقارماسىنىڭ جەتەكشىسى - بالعابەك مىرزاەۆ, عىلىمي قىزمەتكەر, «نۇر-مۇباراك» ۋنيۆەرسيتەتىنىڭ وقىتۋشىسى- تادجيباەۆ سەرىك, مادەنيەتتەر مەن دىندەردىڭ حالىقارالىق ورتالىعىنىڭ ءبولىم جەتەكشىسى- ابۋوۆ تۇرار, فيلوسوفيا, ساياساتتانۋ جانە ءدىنتانۋ ينستيتۋتىنىڭ عىلىمي قىزمەتكەرى - مۇرات سۇماعۇلوۆ بار.
كۇن تارتىبىندەگى كوپتەگەن سەمينارلار مەن كەزدەسۋلەر, قالاداعى شارالار كەشەنى ءداستۇرلى ەمەس ءدىني اعىمداردىڭ تارالۋىنا قارسى ءىس-قيمىل جۇرگىزۋگە باعىتتالعان. اسىرەسە, ءداستۇرلى ەمەس ءدىني اعىمداردىڭ جاقتاۋشىلارىنا ەرەكشە نازار اۋدارىلىپ, جەكە ءتۇسىندىرۋ جۇمىستارى جۇرگىزىلدى. ساراپشىلار الماتى قالاسىنداعى مەشىتتەر مەن بازارلار جانە ۆوكزالداردا وسى ساناتتاعى ازاماتتارمەن جەكە اڭگىمەلەستى.
سونداي-اق, وسىنداي كەزدەسۋلەر تۇزەتۋ مەكەمەلەرىندەگى سوتتالعاندارمەن ونىڭ ىشىندە ءداستۇرلى ەمەس ءدىني اعىمداردىڭ جاقتاۋشىلارىمەن دە بولىپ ءوتتى. بۇعان قوسا, ءتۇسىندىرۋ جۇمىستارى قالاداعى جالپىعا ورتاق ءبىلىم بەرەتىن مەكتەپتەردە ءدىني كيىم كيەتىن وقۋشىلاردىڭ اتا-انالارىمەن دە جۇرگىزىلدى.
كەزدەسۋ بارىسىندا, بالعابەك مىرزاەۆ قازاقستاندا مۇسىلمان مەشىتتەرىنىڭ مۇنارالارى, حريستيان حرامدارى مەن يۋدەيلىك سيناگوگالاردىڭ كۇمبەزدەرى ̶ بەيبىت قاتار ءومىر ءسۇرۋ ءۇشىن قازاقستان بەيبىتشىلىك جانە تولەرانتتىلىقتى نەگىز ەتىپ كەلەتىندىگىن تىلگە تيەك ەتى. سونداي-اق, ول مۇسىلمان الەمى جانە باتىس الەمى اراسىنداعى اشىق جانە ادىلەتتى ۇنقاتىسۋدى بارىنشا جانداندىرۋ كەرەكتىگىن دە ءسوز ەتتى.
«وتكەن مىڭجىلدىقتىڭ ورتا عاسىرلارىنداعى يسلام, الەمدىك عىلىم مەن مادەنيەتتىڭ دامۋىنا ەداۋىر سالىم سالدى. يسلام ويشىلدارى ءدىني عىلىمدارمەن قاتار ادام ءبىلىمىنىڭ باسقا دا گۋمانيتارلىق جانە تابيعي سالالارىنىڭ وركەندەتتى. بۇل ̶ ء فالسافا, ماتەماتيكا, مەديتسينا, استرونوميا, گەوگرافيا. بۇگىن مۇسىلماندار سول داۋىردەگى جاعدايىنا قايتا جەتۋ ءۇشىن ءبىلىم مەن عىلىمدى يگەرۋگە ۇمىتىلۋى كەرەك», ̶ دەدى ء دىن ىستەرى كوميتەتىنىڭ ءدىنتانۋ ساراپتاماسى باسقارماسىنىڭ جەتەكشىسى.
اتالعان تاقىرىپتاعى دارىستەردى «ساۋران-يسلام مادەنيەت ورتالىعى مەكەمەسى», «يماني گۇل» ايەلدەر جاماعاتى, «شاڭىراق» وڭالتۋ ورتالىعىنىڭ تاربيەلەنۋشىلەرى تىڭدادى.
جالپى العاندا, حالىقتىڭ ءدىني ساۋاتتىلىعىن ارتتىرۋدى ماقسات ەتكەن ءىس-شارالارعا الماتى قالاسىنىڭ تۇرعىندارى, وڭىردەگى قوعامدىق كەڭەستىڭ مۇشەلەرى, مەملەكەتتىك جانە قۇقىق قورعاۋ ورگاندارى, ءدىن, باق, ەڭبەك ۇجىمدارى, وقىتۋشىلار, مۇعالىمدەر, ستۋدەنتتەر, جانە دە وقۋ ورىندارىنىڭ قىزمەتكەرلەرى قاتىستى.