قىستاعى توتەنشە جاعداي كەزىندەگى ءىس-قيمىلدار پىسىقتالدى

يۋ.ءيليننىڭ پىكىرىنشە, بۇگىنگى تاڭدا مينيسترلىكتە قىسقى كەزەڭدەگى توتەنشە جاعدايلارعا بايلانىستى جاعداي قيىنداعان ساتتە جالپى سانى جەكە قۇرامنان 12 مىڭنان استام ادام جانە شامامەن 2 مىڭ بىرلىك تەحنيكادان تۇراتىن اۆاريالىق-قۇتقارۋ بولىمشەلەرىنىڭ كۇشتەرى مەن قۇرالدارىنىڭ توبى قۇرىلعان.

كومان­دالىق-شتابتىق كولىكتەر مەن وتىمدىلىگى جوعارى دوڭ­گەلەكتى جانە شىنجىر تاباندى ماشينالاردى, اۆاريالىق-قۇتقارۋ جانە مامانداندىرىلعان اسكەري تەحنيكالار قىسقى جاعدايلاردا پايدالانۋعا ازىرلىككە كەلتىرىلگەن. سونداي-اق جەكە قۇرامدى توتەنشە جاعداي ايماعىنا جەدەل جەتكىزۋ جانە زارداپ شەككەن حالىقتى ەۆاكۋاتسيالاۋ ءۇشىن «قازاۆياقۇتقارۋ» اق-نىڭ تىكۇشاقتارى دا كەزەكشىلىك رەجىمدە ساقاداي ساي دايىن تۇر. 

«قىس-2017» وقۋ-جاتتىعۋى اياسىندا توتەنشە جاعداي كەزىندەگى ءىس-قيمىلدار ءىس جۇزىندە پىسىقتالدى. اعىمداعى جىلعى 9-10 قاراشادا وقۋ-جاتتىعۋ بارىسىندا قىسقى جاعدايلارداعى ءىس-قيمىلدارعا قۇرى­لىمدار مەن قىزمەتتەردىڭ ازىرلىك دەڭگەيى, قۇلاق­تاندىرۋ جانە بايلانىس جۇيەسىنىڭ, ەنەرگيا, گاز, جىلۋ, سۋمەن جابدىقتاۋ جانە كولىك كوممۋنيكاتسيالار جۇيەلەرىنىڭ جۇمىسى تەكسەرىلدى. سونىمەن قاتار حالىقارالىق جانە رەسپۋبليكالىق ماڭىزى بار اۆتوجولداردا 40 مەديتسينالىق-قۇتقارۋ پۋنكتى جابدىقتالعان. ولار شۇعىل مەديتسينالىق كومەك كورسەتۋ, زارداپ شەككەندەردى تاسىمالداۋمەن قاتار, جىلىتۋ پۋنكتتەرى رەتىندە دە پايدالانىلادى», دەدى يۋ.يلين.

يۋ.يلين ءوز سوزىندە رەسپۋبليكالىق ماڭىزى بار اۆتوموبيل جولدارىنداعى قار باساتىن ۋچاسكەلەردىڭ جالپى ۇزىندىعى 23 مىڭ شاقىرىمدى, جەرگىلىكتى ماڭىزى بار جولداردا 12 مىڭ شاقىرىمدى قۇرايتىنىن دا تىلگە تيەك ەتتى.

«قازىرگى كەزگە دەيىن رەسپۋبليكالىق اۆتوجولداردا قار باساتىن 964 ۋچاسكە انىقتالدى. وندا 35 مىڭ قاردان قورعاۋ قالقانى ورناتىلىپ, اۆتوموبيل جولدارىنىڭ كولىك ماگيسترالدارىنداعى ەڭىستەر مەن اسۋلارعا 160 مىڭنان استام تەكشە كوكتايعاققا قارسى ماتەريالدار توسەلدى. وسىلايشا جول پايدالانۋ قىزمەتتەرى 1 088 بىرلىك ينجەنەرلىك جانە قار تازالايتىن تەحنيكالار دايىندالىپ, 503 جىلۋ پۋنكتى ىسكە قوسىلدى», دەدى ول.

راۋان قايدار, «ەگەمەن قازاقستان»