قر اقپارات جانە كوممۋنيكاتسيالار ءمينيسترى داۋرەن اباەۆ «مەدياقۇرىلتاي-2017» كاسىبي تالقىلاۋ الاڭىندا مەملەكەتتىك ارنادا كەزەڭ-كەزەڭىمەن جارناما جويىلاتىنىن ايتتى.
جيىن بارىسىندا مەملەكەتتىك ارنالارداعى جارنامانىڭ قاجەتتىلىگى تۋرالى تالقىلاندى. داۋرەن اباەۆ بۇل ماسەلەنىڭ وتكەن مەدياقۇرىلتايدان بەرى جالعاسىپ كەلە جاتقانىن تىلگە تيەك ەتتى.
«وتكەن جىلى ماعان وسىنداي ساۋال قويىلعان. مەملەكەتتىك ارنالاردا نەگە جارناما بەرىلەدى دەگەن. بۇل ايتىلعان ماسەلەنى تالداۋدان وتكىزە كەلە مىنانى مالىمدەگىم كەلەدى. 2018 جىلدىڭ 1 قاڭتارىنان «حابار» ارناسى جارنامادان باس تارتادى. جىلدىڭ سوڭىنا دەيىن قالاي بولاتىنىن باقىلايمىز. كەلەر جىلدىڭ سوڭىندا ناتيجەنى تالداۋدان وتكىزىپ, ودان ءارى شەشىم قابىلدايتىن بولامىز», - دەدى مينيستر.