وعان قازاقستاننىڭ بىرنەشە وبلىستارىنان دەلەگاتتار كەلدى, سونىمەن قاتار وڭتۇستىك كورەيانىڭ قازاقستانداعى توتەنشە جانە وكىلەتتى ەلشىسىنىڭ ورىنباسارى حان مان چۋن مەن قازاقستان كورەيلەرى قاۋىمداستىعىنىڭ توراعاسى سەرگەي وگاي قوناق رەتىندە قاتىستى.
قازاقستان كورەي جاستارى قوزعالىسى ۇيىمى بەلسەندى جۇمىس ىستەيدى. ول قازاقستان كورەيلەرى قاۋىمداستىعى جوسپارلاعان شارالاردىڭ بارلىعىنا قاتىسىپ وتىرادى, بيىل سونداي 20 شارانى جۇزەگە اسىرعان. اسىرەسە, استانادا وتكەن قازاقستان-كورەي ىنتىماقتاستىعى فورۋمىنا دا اتالعان جاستار ۇيىمى اتسالىستى. فورۋمدا قازاقستان حالقى قوستاناي وبلىستىق اسسامبلەسى توراعاسىنىڭ ءبىرىنشى ورىنباسارى-حاتشىسى ماجيت شۇلەنوۆ, وڭتۇستىك كورەيانىڭ قازاقستانداعى توتەنشە جانە وكىلەتتى ەلشىسىنىڭ ورىنباسارى حان مان چۋن, قازاقستان كورەيلەرى قاۋىمداستىعىنىڭ توراعاسى سەرگەي وگاي, قوستاناي وبلىستىق كورەي ەتنو-مادەني قوعامدىق بىرلەستىگىنىڭ توراعاسى يگور كيم جاستاردى قۇتتىقتاپ ءسوز سويلەدى.
«ەكى ەل اراسىنداعى ىنتىماقتاستىق دامىپ وتىر. ءبىزدىڭ ديپلوماتيالىق قارىم-قاتىناسىمىزدىڭ باستالعانىنا 25 جىل تولدى. جاستارسىز قاي ۇلتتىڭ دا بولاشاعى جوق. ەكى ەل اراسىنداعى ەكونوميكالىق, ساياسي, مادەني جانە سپورتتىق قاتىناستاردى ورىستەتەتىن جاستار سىزدەرسىزدەر» دەدى حان مان چۋن.
بۇگىندە, قازاقستاندا كورەي ۇلتىنىڭ ءتورتىنشى ۇرپاعى تۇرىپ جاتىر. قازاقستان كورەيلەرى قاۋىمداستىعىنىڭ توراعاسى سەرگەي وگاي جاستار قوزعالىسىنىڭ تاماشا باستامالارىن كورگىسى كەلەتىنىن ايتتى. قاۋىمداستىق بيىل الەۋمەتتىك روليكتەرگە بايقاۋ جاريالاعان بولاتىن. التى ايدىڭ ىشىندە وعان 200 جۇمىس تۇسكەن, سونىڭ 30-ى ىرىكتەلىپ, بايقاۋعا قاتىستى. سونىڭ اراسىندا ءبىرىنشى جانە ەكىنشى ورىندى قوستانايلىق جاستار جەڭىپ الدى. فورۋمدا ولاردىڭ جۇمىسى كورسەتىلىپ, باتىر وسپانوۆ پەن كيريلل كوگايعا جۇلدەلەرى تاپسىرىلدى.
مۇنان كەيىن سەرگەي گەننادەۆيچ فورۋمعا جينالعان جاستارمەن ءماجىلىس وتكىزدى, ولاردىڭ پىكىرلەرىن تىڭدادى, جاستاردى باستامالار كوتەرىپ, ءتۇرلى جوبالار جاساۋعا شاقىردى. فورۋم اياسىندا ترەنينگ, توپتارعا ءبولىنىپ تاجىريبەلىك جۇمىستار جۇرگىزىلدى. جاستار شاراسى ادەتتەگىدەي كوڭىلدى كونتسەرتپەن اياقتالدى.
ءنازيرا جارىمبەت,
«ەگەمەن قازاقستان»
قوستاناي
سۋرەتتى تۇسىرگەن باعداد احمەتبەكوۆ