قازاقستان رەسپۋبليكاسى پارلامەنتى سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتورايىمى داريعا نازارباەۆا قر سىرتقى ىستەر مينيسترلىگى قىزمەتىنىڭ ماسەلەلەرى بويىنشا قوعامدىق كەڭەستىڭ جاڭا ءتورايىمى بولىپ تاعايىندالدى, دەپ حابارلايدى سىرتقى ىستەر مينيسترلىگىنىڭ رەسمي سايتى.
سىرتقى ىستەر مينيسترلىگىندە وتكەن كەڭەستىڭ كەزەكتى وتىرىسى كەزىندە د.نازارباەۆا بۇل لاۋازىمدى اتقارىپ كەلگەن پارلامەنت سەناتىنىڭ دەپۋتاتى بىرعانىم ءايتىموۆانىڭ ورنىنا جايعاستى.
داريعا نازارباەۆا وسى سالاداعى زاماناۋي تالاپتار مەن جاھاندىق ترەندتەرگە جاۋاپ بەرەتىن سىرتقى ىستەر مينيسترلىگى مەن ازاماتتىق قوعامنىڭ تىكەلەي بايلانىسىن قامتاماسىز ەتۋ قوعامدىق كەڭەستىڭ باستى مىندەتى ەكەنىن اتاپ ءوتتى.