استانادا ەلباسى نۇرسۇلتان نازارباەۆتىڭ توراعالىعىمەن «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسى ءوتىپ جاتىر.
وتىرىستىڭ كۇن تارتىبىندە پارتيانىڭ 2017 جىلدىڭ 10 ايىندا ەلىمىزدىڭ ساياسي, ەكونوميكالىق جانە رۋحاني جاڭعىرۋى اياسىندا اتقارعان جۇمىسى, سونىمەن قاتار «نۇر وتان» پارتياسى ساياسي كەڭەسى بيۋروسىنىڭ قۇرامىنا وزگەرتۋلەر ەنگىزۋ ماسەلەسى قارالۋدا.
اتاپ ايتساق, پارلامەنت ماجىلىسىندەگى پارتيانىڭ فراكتسيالىق قىزمەتى جەتىلدىرىلدى جانە پارتيالىق ءتارتىپ نىعايتىلدى. دەپۋتاتتار - پارتيا فراكتسياسىنىڭ مۇشەلەرى ماجىلىسكە كەلىپ تۇسكەن 148 زاڭ جوباسىنىڭ 131-ءىن قاراۋ جونىندەگى جۇمىس توپتارىن باسقاردى. 8 زاڭ جوباسىنا باستاماشىلىق جاسالدى, ولاردىڭ تورتەۋى قابىلداندى.
«پارتيانىڭ مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ناسيحاتتاۋ بويىنشا جۇمىسىنا بارلىق پارتيالىق قۇرىلىمدار - باستاۋىش پارتيا ۇيىمدارى, فراكتسيا دەپۋتاتتارى, كونسۋلتاتيۆتى-كەڭەستىك ورگاندار مەن ديالوگ الاڭدارى, ورتالىقتاعى ءارى جەرگىلىكتى قوعامدىق قابىلداۋ بولمەلەرى جۇمىلدىرىلدى. اقپاراتتىق ىلگەرىلەتۋ مەن جولداۋدىڭ باستى باسىمدىقتارىن ىسكە اسىرۋ پارتيالىق جوبالاردى جۇزەگە اسىرۋ نەگىزىندە ۇيىمداستىرىلدى. جالپى العاندا, 4 ملن ادامدى قامتىعان 46,9 مىڭ ءىس-شارا وتكىزىلدى.
ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن اقپاراتتىق ىلگەرىلەتۋ ماقساتىندا پارتيا بارلىق رەسۋرستار مەن اكتيۆتەردى ىسكە قوستى, جاستاردى, ساراپشىلار مەن زيالى قاۋىمدى تارتا وتىرىپ, ءارتۇرلى «ديالوگ الاڭدارىندا» جۇمىس جۇرگىزەدى. بارلىق جەرلەردە 22,8 مىڭ ءىس-شارا وتكىزىلدى, ولاردا 1,5 ملن ادام قامتىلدى. بەلگىلى بولعانداي, ەسەپتى كەزەڭدە پارتياعا 190 مىڭ ءوتىنىش كەلىپ ءتۇستى, ونىڭ ىشىنەن 96 پايىزى وڭ شەشىمىن تاپتى, سونداي-اق كونسۋلتاتسيالىق كومەك كورسەتىلدى.
«وتىنىشتەردى 100 پايىز قاراۋ قامتاماسىز ەتىلۋدە, حاتتاردى قاراۋ مەرزىمدەرى 8-10 كۇننەن 1-5 كۇنگە دەيىن قىسقارتىلدى. بۇگىندە «نۇر وتان» پارتياسىنىڭ قاتارىندا 190 مىڭ (29 جاسقا دەيىنگى) جاس قازاقستاندىق بار. «جاس وتان» قىزمەتى 16 ايماقتىق جانە 208 قالالىق ءارى اۋداندىق فيليال, كاسىپورىندارداعى 230 بولىمشە مەن جوو-داعى 96 بولىمشە ارقىلى جۇزەگە اسىرىلادى. جاستاردىڭ بارلىق ساناتتارىن قامتيتىن 12 جاستار جوبالارى ىسكە اسىرىلىپ جاتىر. «كوكۋرستىق ىرىكتەۋ نەگىزىندە ايماقتىق پارتيالىق كادرلىق رەزەرۆ قالىپتاستىرىلدى, وعان 3 052 ادام ەنگىزىلدى. رەزەرۆشىلەردىڭ ناقتى ءىس-قيمىلدار جوسپارى بەكىتىلدى. رەزەرۆكە قاتىسۋشىلارىنىڭ 52 پايىزى ءماسليحاتتاردىڭ دەپۋتاتى بولىپ سايلاندى. كەلەسى جىلى رەسپۋبليكالىق پارتيالىق كادرلىق رەزەرۆتى قالىپتاستىرۋ جونىندەگى جۇمىس باستالادى.
دينارا بىتىك,
"ەگەمەن قازاقستان"