ەلباسى ن.نازارباەۆتىڭ بەرگەن تاپسىرماسىنا سايكەس, بيىل زەينەتاقى مولشەرى 2016 جىلمەن سالىستىرعاندا 20 پايىزعا كوبەيتىلگەنى بەلگىلى. وسىلايشا مەملەكەت الەۋمەتتىك مىندەتتەمەلەر بويىنشا ءتيىستى شارالاردى تولىق ورىنداپ وتىر. زەيناتاقى جۇيەسىنە ەنگىزىلەتىن وزگەرىستەر تۋرالى قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا ايتىپ بەردى.
1 قاڭتاردان باستاپ قازاقستاندا ىنتىماقتى زەينەتاقى كولەمى (ەڭبەكتىك) 8 پايىزعا, بازالىق زەينەتاقى باسقا دا جاردەماقى تۇرلەرى سياقتى 6 پايىزعا وسەدى. سونىمەن بىرگە, بازالىق زەينەتاقىنى تاعايىنداۋدىڭ ءادىسى وزگەرەدى. ماسەلەن, بۇگىندە بازالىق زەينەتاقى تولەمدەرى ەڭبەك ءوتىلى ەسەپكە الىنباي بارلىعىنا بىردەي بەرىلىپ كەلسە, 2018 جىلدىڭ 1 شىلدەسىنەن باستاپ ەڭبەك وتىلىنە قاراي ەسەپتەلىپ بولىنەتىن بولادى.
سۆەتلانا جاقىپوۆانىڭ ايتۋىنشا, جيناقتاۋشى زەينەتاقى قورىنا جينالعان زەينەتاقى جارناسىن ەسكەرە وتىرىپ, 1998 جىلدىڭ 1 قاڭتارىنا دەيىنگى دە, 1998 جىلدىڭ 1 قاڭتارىنان كەيىنگى دە ەڭبەك ءوتىلى ەسەپكە الىنادى.
«مىسال ءۇشىن, ەگەر ازامات كەلەر جىلى زەينەتكەرلىككە شىعادى دەلىك. ونىڭ 1998 جىلدىڭ 1 قاڭتارىنا دەيىنگى ىنتىماقتى زەينەتاقى جۇيەسىندەگى ەڭبەك ءوتىلى 20 جىل بولىپ, 15 جىل بويى زەينەتاقى جيناقتاۋ قورىنا ءۇزىلىسسىز زەينەتاقى جارناسىن تولەپ كەلدى. وسىلايشا, ونىڭ جيىنتىق ەڭبەك ءوتىلى 35 جىلعا تەڭ بولادى. جاڭا جۇيە ادىسىنە ساي, ەگەر ەڭبەك ءوتىلى 10 جىلدان كەم بولعان جاعدايدا, ەڭ تومەنگى كۇنكورىس دەڭگەيىنەن 54 پايىز تاعايىندالادى. بۇل سوما كەلەر جىلى – 15274 تەڭگە.
ەڭبەك ءوتىلى 10 جىلدان اساتىن بولسا, ءار جىل ءۇشىن 2 پايىز ۇستەمە قوسىلادى. ەگەر جوعارىداعى مىسالدا كەلتىرىلگەندەي, جالپى ەڭبەك ءوتىلى 35 جىل بولاتىن بولسا, بازالىق زەينەتاقى مولشەرى ەڭ تومەنگى ءومىر ءسۇرۋ دەڭگەيىنىڭ 100 پايىز كولەمىندە, ەگەر ەڭبەك ءوتىلى 20 جىل بولاتىن بولسا, ەڭ تومەنگى ءومىر ءسۇرۋ دەڭگەيىنىڭ 74 پايىز كولەمىندە تاعايىندالادى», - دەدى ۆيتسە-مينيستر.
ءدال قازىر ەلىمىزدە بازالىق زەينەتاقى الاتىن 2 ملن 139 مىڭ ادام بار. ولاردىڭ 44,1 پايىزىنىڭ بازالىق زەينەتاقىسى ەكى ەسەگە كوتەرىلەتىن بولادى. بۇل دەگەنىڭىز, بۇگىندە زەينەركەرلەر 14 466 مىڭ تەڭگە الاتىن بولسا, 1 شىلدەدەن – 28 274 تەڭگە زەينەتاقى الادى.
اتالعان شارا ەڭبەك ءوتىلى كوپ بولا تۇرا, از زەينەتاقى الىپ كەلگەن زەينەتكەرلەردىڭ زەينەتاقىسىن ايتارلىقتاي جوعارىلاتىپ, الەۋمەتتىك ادىلەتتىلىكتى ورناتادى.