بۇگىن پرەمەر-مينيستر باقىتجان ساعىنتاەۆتىڭ توراعالىعىمەن وتكەن قر ۇكىمەتى وتىرىسىندا يندۋستريالىق-يننوۆاتسيالىق دامىتۋ مەملەكەتتىك باعدارلاماسىن 2017 جىلدىڭ توعىز ايىندا ىسكە اسىرۋ بارىسى قارالدى.
ينۆەستيتسيالار جانە دامۋ ءمينيسترى جەڭىس قاسىمبەك وسى جىلدىڭ توعىز ايىندا ونەركاسىپتىك ءوندىرىستىڭ كولەمى وتكەن جىلدىڭ وسى كەزەڭىمەن سالىستىرعاندا 5,7%-عا ءوسىپ, 6,5 ترلن تەڭگەنى قۇراعانىن مالىمدەدى. سونداي-اق, فارماتسەۆتيكادا, جەڭىل ونەركاسىپتە, مەتاللۋرگيادا, ماشينا جاساۋدا, مۇناي وڭدەۋدە, ازىق-ت ۇلىك ونىمدەرىنىڭ وندىرىسىندە جانە حيميالىق ونەركاسىپتە ءوسۋ بايقالادى.
مەملەكەتتىك باعدارلامانىڭ نەگىزگى ماقساتتى ينديكاتورلارى بويىنشا وڭ قارقىن بايقالادى. بيىلعى سەگىز ايدىڭ قورىتىندىسى بويىنشا وڭدەۋ ونەركاسىبىنىڭ ەكسپورتى وتكەن جىلدىڭ وسى كەزەڭىمەن سالىستىرعاندا 23,1%-عا ءوسىپ, $9,9 ملرد قۇرادى.
اگروحيميا, مۇناي وڭدەۋ جانە قارا مەتاللۋرگيا سەكتورلارىندا ەلەۋلى ءوسىم بايقالادى. بۇگىندە قازاقستاندىق وڭدەۋ ونەركاسىبى ونىمدەرى 115 ەلگە ەكسپورتتالادى. كەيبىر تاۋار تۇرلەرى بويىنشا وتكىزۋدىڭ جاڭا نارىقتارى اشىلدى.
العاش رەت «ازيا اۆتو» جەڭىل كولىكتەرى قحر-عا, «سارىارقا اۆتوونەركاسىپ» — تاجىكستانعا ەكسپورتتالدى. اۋىل شارۋاشىلىعى ماشينا جاساۋ ونىمدەرى — «دونمار» كومپانياسى شىعاراتىن ونىمدەر رەسەي نارىعىنا بىرنەشە جىل قاتارىنان ەكسپورتتالۋدا.
جىل سايىن 380-نەن استام ەكسپورتشىلار قارجىلىق ءارى سەرۆيستىك قولداۋعا يە بولادى.
بيىل قر ۇەم شيكىزاتتىق ەمەس ەكسپورتقا قولداۋ كورسەتۋ جۇيەسىن قۇرۋ ماقساتىندا ۇلتتىق ەكسپورتتىق ستراتەگيانى ازىرلەپ, قابىلدادى.
مەملەكەت باسشىسىنىڭ تاپسىرمالارىن ورىداۋ اياسىندا ينۆەستيتسيالىق احۋالدى جاقسارتۋ ماقساتىندا دۇنيەجۇزىلىك بانكپەن بىرلەسىپ, 2018–2022 جىلدارعا ارنالعان ۇلتتىق ينۆەستيتسيالىق ستراتەگيا ازىرلەنىپ, بەكىتىلدى. كazakh Invest ينۆەستيتسيالار بويىنشا مامانداندىرىلعان ۇلتتىق كومپانياسى شەتەلدىك وكىلدەر مەن وڭىرلىك بولىمشەلەر جەلىسىمەن قىزمەت كورسەتەدى.
وڭدەۋ سەكتورىنا جەتى جىلدىڭ ىشىندە $26 ملرد-تان استام تىكەلەي شەتەلدىك ينۆەستيتسيالار تارتىلدى. ينۆەستيتسيالار قۇرىلىمىنداعى وڭدەۋ ونەركاسىبىنىڭ ۇلەسى 2016 جىلدىڭ قورىتىندىسى بويىنشا 19,5%-عا ءوستى. ءوسىم قارقىنى بيىل دا ساقتالىپ وتىر, وڭدەۋ ونەركاسىبىنە سالىنعان ينۆەستيتسيالار كولەمى 3,5%-عا ءوسىپ, 599 ملرد تەڭگەنى قۇرادى.
2017 جىلعى ءى توقسان ناتيجەلەرى بويىنشا كاسىپورىندارداعى ەڭبەك ونىمدىلىگى 16,1%-عا ءوستى. نەگىزىنەن ءوسۋ باسىمدىقتى سەكتورلاردا ورىن الدى: مۇناي-گاز حيمياسى, قارا مەتاللۋرگيا, مۇناي وڭدەۋ سالاسى.
«شاعىن, ورتا جانە ءىرى كاسىپورىندار بويىنشا ناقتى مالىمەت وسى جىلدىڭ قورىتىندىسى بويىنشا قالىپتاستىرىلادى. بۇگىنگى ءوسۋ بەتالىسىن ەسكەرگەندە, جىل قورىتىندىسى بويىنشا كورسەتكىشتەر وتكەن جىلدىڭ دەڭگەيىنەن تومەن بولمايتىنىن بولجاۋعا بولادى», — دەدى مينيستر.
جالپى, وڭىرلەردە بارلىق كورسەتكىشتەر بويىنشا وڭ قارقىن بايقالادى.
ج. قاسىمبەكتىڭ ايتۋىنشا, باعدارلامانى ىسكە اسىرۋ ەكونوميكا مەن ونەركاسىپ قۇرىلىمىنىڭ وزگەرۋىنە اسەر ەتتى. ماسەلەن, وڭدەۋ سەكتورىنىڭ ەكونوميكا دامۋىنا ء(جىو) قوسقان ۇلەسى 2015 جىلى 10,1%-دان 2017 جىلدىڭ ءبىرىنشى جارتىجىلدىعىنىڭ قورىتىندىسى بويىنشا 11,9%-عا دەيىن, ونەركاسىپتە – 2010 جىلى 31,8%-دان 2017 جىلدىڭ توعىز ايىنىڭ قورىتىندىسى بويىنشا 40,7%-عا دەيىن, ەكسپورتتا 2010 جىلى 27,9%-دان 2017 جىلدىڭ 8 ايىندا 32,7%-عا دەيىن ءوستى.
سونداي-اق, مينيستر باعدارلاما اياسىندا جىل سايىن جاڭا وندىرىستەر ىسكە قوسىلىپ جاتقانىن اتاپ ءوتتى.
«بارلىعى جەتى جىل جانە 2017 جىلدىڭ 9 ايى ارالىعىندا يندۋستريالاندىرۋ كارتاسى اياسىندا جالپى 5,5 ترلن تەڭگە سوماسىندا 1 080 جوبا ەنگىزىلدى, 101 مىڭ تۇراقتى جۇمىس ورنى اشىلدى», — دەدى ج. قاسىمبەك.
2017 جىلدىڭ توعىز ايىندا 800 ملرد تەڭگە سوماسىنا 4,5 مىڭ تۇراقتى جۇمىس ورنىن قۇرۋمەن 52 جوبا ەنگىزىلدى. 2017 جىلدىڭ سوڭىنا دەيىن وڭىرلەردە شامامەن 10 مىڭ تۇراقتى جۇمىس ورنىن قۇرۋمەن 700 ملرد-تان استام تەڭگە سوماسىنا 80-نەن استام جوبانى اياقتاۋ جوسپاردا بار.
سونىمەن قاتار ءمينيستردىڭ ايتۋىنشا, بۇگىنگى تاڭدا 72 پروبلەمالىق جوبا جۇمىسى ەرەكشە باقىلاۋعا الىنعان. ءاربىر جوبا بويىنشا جول كارتاسى ازىرلەنگەن.
«كاسىپورىندارعا ينۆەستورلار ىزدەستىرۋ, جەر پايدالانۋعا كەلىسىمگە وتىرۋ, ەدب ارقىلى نەسيەلەندىرۋ, وڭىر كاسىپورىندارىنا ونىمدەردى وتكىزۋگە جاردەمدەسۋ سەكىلدى مەملەكەتتىك قولداۋ شارالارى ۇسىنىلدى», — دەدى ج. قاسىمبەك.
قازىرگى تاڭدا ەلىمىزدە 11 ارنايى ەكونوميكالىق ايماق (اەا) جانە 22 يندۋستريالىق ايماق (يا) جۇمىس ىستەيدى.
جالپى العاندا, اەا قۇرىلعان ساتتەن باستاپ 682 ملرد تەڭگەدەن استام سوماعا 157 جوبا ىسكە قوسىلدى, 11,6 مىڭنان استام جۇمىس ورنى قۇرىلدى.
بيىل تاعى 100 ملرد تەڭگەگە ءۇش مىڭ جاڭا جۇمىس ورنىن قۇرۋمەن 24 جوبانى ىسكە اسىرۋ جوسپارلانۋدا, جانە تاعى 20 جوبانىڭ قۇرىلىسى باستالادى.
يا الاڭدارىندا 100 ملرد تەڭگە سوماسىنا 115 جوبا ىسكە قوسىلدى, شامامەن سەگىز مىڭ جۇمىس ورنى قۇرىلدى.
سونداي-اق, جەر تەلىمىن ءبولۋ راسىمدەرىن جەڭىلدەتۋگە, پرەفەرەنتسيالار ۇسىنۋعا, اكىمشىلىك كەدەرگىلەردى تومەندەتۋگە قاتىستى ارنايى ەكونوميكالىق جانە يندۋستريالاندىرۋ ايماقتارى تۋرالى زاڭناماعا وزگەرىستەر ەنگىزۋ بويىنشا جۇمىستار جۇرگىزىلۋدە.
قورىتىندىلاي كەلە, ج. قاسىمبەك 6 جەلتوقساندا يندۋستريالاندىرۋ كۇنىندە وسى جىلداعى يندۋستريالاندىرۋ جۇمىستارىنىڭ قورىتىندىسى شىعارىلاتىنىن حابارلادى.
ء«بىز تەلەكوپىر اياسىندا جالپى سوماسى 399 ملرد تەڭگەگە 18 جوبانى ىسكە قوسۋدى جوسپارلاپ وتىرمىز. بۇدان وزگە, 26 جوبا بويىنشا تەلەۆيزيالىق روليتەردى كورسەتۋ جوسپارىمىزدا بار», — دەدى ج. قاسىمبەك.
وتىرىس بارىسىندا, سونداي-اق, جامبىل وبلىسىنىڭ اكىمى كارىم كوكىرەكباەۆ, الماتى اكىمى باۋىرجان بايبەك, اقتوبە وبلىسى اكىمىنىڭ ورىنباسارى, شقو اكىمى دانيال احمەتوۆ ءسوز سويلەدى.
باقىتجان ساعىنتاەۆ تالقىلاۋ قورىتىندىسى بويىنشا وسى جىلدىڭ توعىز ايىندا يندۋستريالاندىرۋ مەملەكەتتىك باعدارلاماسىن ىسكە اسىرۋدا جاقسى كورسەتكىشتەرگە قول جەتكىزىلگەنىن اتاپ ءوتتى. پرەمەر-مينيستر جىل سوڭىنا دەيىن وڭىرلەر نەگىزگى كاپيتاعا سالىناتىن ينۆەستيتسيالار بويىنشا ارتتا قالۋشىلىقتى جويىپ, وزگە كورسەتكىشتەر بويىنشا جوعارعى ناتيجەگە شىعاتىنىنا سەنىم ءبىلدىردى.
پرەمەر-ءمينيستردىڭ ءبىرىنشى ورىنباسارى اسقار مامينگە اتالعان بارلىق ماسەلەلەردى باقىلاۋعا الۋ تاپسىرىلدى.