جىل باسىنان بەرى ءورت كەزىندە 8 ادام قازا بولدى. جىل باسىنان 9 ايدان بەرى استانادا 515 ءورت وقيعاسى تىركەلىپ, 8 ادام قازا تاپتى. بۇل وتكەن جىلمەن سالىستىرعاندا 38% تومەندەگى بايقالادى, ال بىلتىر 13 ادام قايتىس بولعان. بۇل تۋرالى استانا قالاسى تجد وق بجپقب تەحنيكالىق نورمالاۋ ءبولىمىنىڭ باس مامانى قايىر نۇرعازينوۆ مالىمدەدى, دەپ حابارلادى astana.gov.kz.
ماماننىڭ ايتۋىنشا, ءورت كوبىنەسە استاناداعى جەكە سەكتورلاردان شىعادى. ءورتتىڭ نەگىزگى شىعۋ سەبەپتەرى: پەشتى جىلىتۋ كەزىندە قاۋىپسىزدىك ەرەجەلەرىن ساقتاماۋ, مونتاج ەرەجەلەرىن بۇزۋ, ەلەكتر قوندىرعىلارىن تەحنيكالىق پايدالانۋ, وتتى ابايلاپ قولدانباۋ.
كۇننىڭ سۋىتۋىنا بايلانىستى استانالىق تجد قالا تۇرعىندارىن ءورت قاۋىپسىزدىك ەرەجەلەرىن ساقتاۋدى ەسكەرتەدى. «ەڭ ءبىرىنشى پەشتى جىلىتۋدى رەتكە كەلتىرۋ كەرەك. ونىڭ ىشىندە ءتۇتىن شىعاتىن مۇرجادا جارىقشاقتار, سىنىقتار پايدا بولىپ, ءورتتىڭ شىعۋىنا سەبەپ بولۋى مۇمكىن. ءتۇتىن شىعاتىن مۇرجا مەن قابىرعانى ءجيى-ءجيى اكتەپ, ءتۇتىن شىعاتىن جولدى قاداعالاپ تۇرۋ كەرەك. كومىردەن شىعاتىن ءورتتىڭ الدىن الۋ ءۇشىن, كومىر تۇسەتىن كىشكەنە قوراپشا ورناتۋ كەرەك», - دەيدى ق.نۇرعازينوۆ.
پەشتى پايدالانۋ كەزىندە پەشتىڭ الدىنا وتىندى ءۇيىپ قويماۋعا, كيىم كەپتىرۋگە, باسقا دا ماتەريالداردى جاقىن قويۋعا بولمايدى.
ءورتتىڭ تاعى ءبىر شىعۋىنا قولدان جاسالعان تۇرمىستىق ەلەكتر جىلىتقىشتار دا سەبەپ بولادى.
«كۇن سۋىتقان كەزدە جىلۋ رەتتەگىشى بار زاۋىتتان شىققان ەلەكترقوندىرعىلارىن پايدالانعان دۇرىس», - دەيدى ق.نۇرعازينوۆ.