اتىراۋداعى تاريحي-ولكەتانۋ مۋزەيىندە «رۋحاني جاڭعىرۋ» باعدارلاماسى اياسىندا تۇركىستانداعى «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ جىلجىمالى كورمەسى جۇمىس ىستەي باستادى, دەپ حابارلايدى «قازاقپارات».
«اتىراۋعا ءوزىمىزدىڭ مۋزەيدەگى ەڭ قىزىقتى 250 جادىگەردى الىپ كەلدىك. قازاقستان تاريحىنا قىزىعاتىن اتىراۋلىقتار ابىلاي حاننىڭ قىتاي يمپەراتورى تسۋن لۋنعا جازعان حاتىن تاماشالاي الادى. ول ءشول دالادا تارالعان ىندەتتەن ادامداردى ەمدەۋگە ارنالعان ءدارى-دارمەكتەردى جىبەرۋدى سۇرايدى, ال وعان ايىرباس رەتىندە قىتايعا جىلقىلاردى, مۇنىمەن قاتار سول كەزەڭدەگى باسقا دا جازباشا قۇجاتتاردى جىبەرۋدى ۇسىنعان. سونداي-اق قابانباي باتىردىڭ قانجارى مەن باسقا دا كونە قارۋ-جاراقتار, تيىندار جانە ت.ب. قويىلعان», - دەيدى «ازىرەت سۇلتان» مەملەكەتتىك تاريحي-مادەني قورىق-مۋزەينىڭ عىلىمي قىزمەتكەرى بەرىك بايبولوۆ.
بۇل كورمە اتىراۋداعى تاريحي-ولكەتانۋ مۋزەيىندە ءبىر اي بويى جۇمىس ىستەيدى.