تاتارستاننىڭ ەڭبەك سىڭىرگەن ءارتىسى رايل ساگديەۆ العاشقى كۇنى پەتروپاۆلدىق ونەرسۇيەر قاۋىمعا زۋلفات حاكىمنىڭ كومەديالىق جانردا جازىلعان «كالە ياۆا, كيلە ياۆا» سپەكتاكلىن ۇسىندى. ول بۋا مەملەكەتتىك دراما تەاترىنىڭ كوركەمدىك جەتەكشىسى ءارى ديرەكتورى بولۋمەن قاتار تالاي رولدەردى دە سومداعان.
«وسىدان 30 جىل بۇرىن قازاقستانعا جولىمىز تۇسكەن بولاتىن. بۇل جولعى گاسترولدىك ساپارامىزدا ۇلكەندەر مەن بالالارعا ارناپ ءۇش سپەكتاكل ۇسىنىپ وتىرمىز», – دەيدى ر. ساگديەۆ.
بۋا مەملەكەتتىك دراما تەاترى بيىل 100 جىلدىق مەرەيتويىن اتاپ وتپەكشى. ونەر ۇجىمىندا 78 ادام قىزمەت ەتەدى. قىزىلجار وڭىرىندەگى قويىلىمدى ساحنالاۋعا 14 ءارتىس جۇمىلدىرىلعان.
تەاتردىڭ اكتريساسى انيسا ساگەەۆا قازاق جەرىنە ءبىرىنشى رەت كەلىپ وتىرسا دا, قوناقجايلىق, باۋىرمالدىق قاسيەتتەرگە وتە ءتانتى بولعانىن جەتكىزدى. تارتىسقا قۇرىلعان قويىلىمداردى كورەمەندەر قىزىعا تاماشالادى.
تەاتر قىتاي, يزرايل, بەلارۋس ەلدەرىنە گاسترولدىك ساپارلارعا بارۋدى جوسپارلاپ وتىر.
ءومىر ەسقالي, «ەگەمەن قازاقستان»